प्रजिअ ढकाललाई संघको स्वागत

Avatar आदर्श समाज सम्वाददाता
असाेज २१, २०७७

लेखनाथ । प्रमुख जिल्ला अधिकारी ज्ञानप्रसाद ढकाललाई लेखनाथ उद्योग बाणिज्य संघले स्वागत तथा सम्मान गरेको छ ।

संघले आफ्नो २४ औं वार्षिक साधारणसभा नयाँ तरिकाले गर्न लागेको सन्दर्भमा विभिन्न उपसमितिको बैठकमा उपस्थित ढकाललाई संघले ब्यवसायीहरुका समस्या र यस क्षेत्रको वस्तुस्थितिका बारेमा जानकारी गराएको हो ।

प्रमुख जिल्ला अधिकारी ढकालले उद्योगी ब्यवसायीले उत्पादन, पर्यटन र कृषिलाई प्राथमिकतामा राखेर स्वदेशमा नै रोजगार दिन सक्नेखालका कार्यक्रम ल्याएमा सरकारको तर्फबाट पनि सहयोग र साथ रहने विश्वास दिलाए ।

उनले सरकारी नीति–नियममा रहेर संचालन भएका ब्यवसायले राज्यलाई पनि सहयोग गरेको प्रसंग उठाउँदै राज्यले पनि ब्यवसायीको हतहित सवालमा काम गर्ने र असल कामको सुरुवात ब्यवसायीहरुबाटै आउनु पर्ने बताए ।

कार्यक्रममा संघका अध्यक्ष बलराम ढकाल, पूर्व अध्यक्ष बावुराम गिरी र महासचिव गोपिचन्द्र बास्तोलाले संघको स्थापनाकालदेखि सामाजिक क्षेत्रको विकासमा संघले खेलेको भूमिकाबारे जानकारी गराए ।

संघको २४ औं साधारणसभा तयारीका लागि विभिन्न १७ वटा उपसमितिहरुको बैठक बसी सुझाव संकलन मंगलवारदेखि सकिएको छ ।

पूर्व घोषित कार्ययोजनाअन्तर्गत साधारणसभाकै जस्तो वार्षिक प्रतिवेदनबाट आएका सुझाव आधारमा असोज २५ गते बस्ने कार्यसमितिको बैठकले अनुमोदन सहित साधारणसभा सम्पन्न गर्ने योजना रहेको बताइएको छ ।