पत्रकार पुनको ‘बस्तीभित्र’

Avatar आदर्श समाज सम्वाददाता
असाेज १८, २०७७
tilak

पोखरा, १८ असाेज । तिलकप्रसाद पुर्जा पुनको नियात्रासङ्ग्रह ‘बस्तीभित्र’ लोकार्पण भएको छ ।

गण्डकी प्रदेशका उद्योग, पर्यटन, वन तथा वातावरण मन्त्री विकास लम्सालले शुक्रबार एक समारोहमा सो पुस्तक लोकार्पण गरेका हुन् ।

मन्त्री लम्सालले प्रदेश सरकारले ग्रामीण पर्यटन प्रवद्र्धनलाई जोड दिएको बताए । ग्रामीण पर्यटन प्रवद्र्धनमा लोकार्पित पुस्तक सहयोगी साबित हुने बताउँदै उनले यस्ता पुस्तक पर्यटन क्षेत्रको लागि महत्वपूर्ण दस्तावेज बन्ने उल्लेख गरे । पुस्तक पढेपछि समाजको गहिराइसम्म पुग्न सकिने बताउँदै मन्त्री लम्सालले पाठकका लागि महत्वपूर्ण दस्तावेज दिएकोमा लेखक पुनलाई धन्यवाद दिए ।

पत्रकार तथा लेखक समेत रहेका स्रष्टा पुनले आफूले पूर्व मेचीदेखि पश्चिम महाकालीसम्म घुम्दाका बखत अनुभूति गरेका विषय नियात्रामार्फत् पस्किने प्रयास गरेको बताए । जीवन आफैंमा यात्रा भएको भन्दै पुनले यात्राका क्रममा पाएका अनुभवहरू समेत संगालेर पुस्तकाकारका रुपमा पाठकमाझ ल्याएको उल्लेख गरे ।

नेपाल मगर संघ, कास्की अध्यक्ष संगीता पुनको अध्यक्षतामा भएको कार्यक्रममा नेपाल मगर संघका केन्द्रीय सल्लाहकार बालकृष्ण काउछा, केन्द्रीय सदस्य एवं गण्डकी प्रदेश इञ्चार्ज खेम पुन, प्रकृतिका अभियन्ता सन्तबहादुर घिसिङ, पर्यटन व्यवसायी लक्की कार्कीलगायतले लेखक पुनले नेपाली समाजको वास्तविकलाई नजिकबाट नियालेर पुस्तक प्रकाशन गरेको उल्लेख गरेका थिए ।

पुस्तकमाथि पत्रकार रूद्रबहादुर श्रीसले समीक्षा गरेका थिए भने पत्रकार श्रीराम सिग्देलले लेखकको परिचय दिए ।

लेखक पुनकी ममतामयी माता जीतिमाया पुनको चौथो वार्षिक पुण्यतिथि सन्दर्भमा लाकार्पण गरिएको सो पुस्तकमा ३४ वटा नियात्रा समेटिएका छन् ।

Related News

सम्बन्धित समाचार

    • घरबेटीकी छोरी

      सुरेश बडाल फागुन २२, २०७७
      बिजुलीभन्दा तेज गतिमा निकाली डंगुरबाट सानो लुगाको टुक्रा । अनि खितिति हाँस्दै निस्किई मेरो कोठाबाट । ऊ गई मेरो मनमा…
    • रवीन्द्र अधिकारीकाे स्मृति ग्रन्थ सार्वजनिक

      Avatar आदर्श समाज सम्वाददाता फागुन २१, २०७७
      काठमाडौं । ताप्लेजुङमा हेलिकप्टर दुर्घटनामा निधन भएका तत्कालीन संस्कृति पर्यटन तथा नागरिक उड्डयनमन्त्री रवीन्द्र अधिकारीको जीवनवृतान्त समेटिएको पुस्तक ‘स्मृतिमा रवीन्द्र…
    • गैंडाकोटको हर्कपुरमा फाइनप्रिन्ट फिभर

      Avatar आदर्श समाज सम्वाददाता फागुन २०, २०७७
      काठमाडौं । विश्वव्यापी रूपमा फैलिएको कोभिड–१९ को प्रभावबाट कुनै पनि क्षेत्र अछुतो रहेन । ठुल्ठूला उद्योग, कलकारखानादेखि ससाना खुद्रे पसल, शैक्षिक…
    • ‘चुल्ठो’ : कविताको खडेरीमा राहत

      धनबहादुर गुरुङ फागुन १९, २०७७
      पोखरा, १९ फागुन । कवि, उपन्यासकार सहित्यकार सरस्वती प्रतीक्षाको भनाइ सापटी लिने हो भने, केही समय अगाडिसम्म पोखरामा कविताको खडेरी…
    • पोखरा प्रज्ञा प्रतिष्ठान कुलपति, प्राज्ञ सदस्यले लिए सपथ

      Avatar आदर्श समाज सम्वाददाता फागुन १९, २०७७
      पोखरा । पोखरा प्रज्ञा प्रष्ठिानका कुलपतिसहित प्राज्ञ सदस्यले सपथ लिएका छन् । पोखरा महानगरको हलमा आयोजित कार्यक्रममा मेयर मानबहादुर जिसीले कलुपति…

    hero news full width

    sanil ads

    wordlink ads