सहारा हङकङको बृद्धाश्रमलाई सहयोग

आदर्श समाज सम्वाददाता
असाेज १५, २०७७

पोखरा १५, असोज । सहारा क्लव हङकङले आफ्नो आठौं बार्षिकोत्सवको अवसरमा पोखराको सितापाइलामा रहेको पोखरा बृद्धाश्रमलाई आर्थिक सहयोग गरेको छ ।

क्लवका सदस्य ओम गुरुङले क्लवको तर्फबाट पोखरा बृद्धाश्रमका पूर्व अध्यक्ष टिकाराम भण्डारीलाई नगद २० हजारको साथमा फलफुल समेत सहयोग हस्तान्तरण गरेका थिए । ३० औं अन्तराष्ट्रिय ज्येष्ठ नागरिक दिवसको अवसरमा सहयोग गरेको सदस्य गुरुङले जनाए ।

सहयोगबाट नै बृद्धाश्रम सञ्चालन गरिएको निवर्तमान अध्यक्ष भण्डारीले जनाए । सहयोग हस्तान्तरण कार्यक्रममा सहारा क्लवका अध्यक्ष केशवबहादुर थापा, निवर्तमान अध्यक्ष वीरभद्र आचार्य, पूर्व अध्यक्ष विक्रम थकाली, उपाध्यक्ष बिश्वराज बराल लगायतको सहभागिता रहेको थियो ।