शाओमीको मी टिभी ४एक्स र मी एलईडी टिभी ४ए प्रो

आदर्श समाज सम्वाददाता
असाेज १५, २०७७

काठमाडौं । शाओमी, ग्लोबल टेक्नोलोजी लिडरले नेपालमा दसैँ उत्सवको लाभ लिँदै २ उत्पादन– मी टिभी ४एक्स (५५ इन्च) र मी एलईडी टिभी ४ए प्रो (४३ इन्च) सार्वजनिक गरेको छ ।

कम्पनीले एक कार्यक्रममार्फत बिर्तामोड, विराटनगर, दमक, गोलबजार, गाईघाट, जनकपुर, नारायणघाट, पोखरा, वीरगञ्ज, रौतहट, हेटौंडामा मी टिभीको बिक्री वितरण शुरु गरेको जनाएको छ । यससँगै शाओमीले पहिलो पटक नेपालको टिभी श्रेणीमा प्रवेश गरेको हो ।

मी टिभी ४एक्स (५५ इन्च) २०२० संस्करणले नेपालमा ठूलो टिभीमा महत्वपूर्ण परिवर्तन ल्याएको छ । यसमा ४के १०—बिट एचडीआर डिस्प्ले सुविधा छ, जसलाई शाओमीको इन—हाउस इमेज प्रोसेसिङ अल्गोरिदम, भिभिड पिक्चर इञ्जिनले पूरक गरेको छ । एक वास्तविक इमर्सिभ अडियो भिजुअल अनुभव सक्षम गर्दै २०वाट्ट स्पिकर डल्वी अडियो र डीटीएस एचडीको लागि प्रमाणित छन् ।

मी टिभी ४एक्स (५५) २०२० संस्करण गुगलको नयाँ एन्ड्रोइड टिभी ९.० को साथ गुगल एसिसटेन्ट, युट्यूब, क्रोमकास्ट, गुगल प्ले स्टोर र डाटा सेभर बिल्ट—इनमा आउँदछ । यो ६४ हजार ९ सय ९९ मा उपलब्ध छ ।

उता, मी एलईडी टिभी ४ए प्रो (४३) ४३ इन्चको १०८०पी पूर्ण एचडी रिजोलुसनको साथ आउँदछ । यसमा उत्कृष्ट संचालन अनुभवका लागि साधारण १२ बटनको ब्लुटुथ मी रिमोट सुविधा छ र डुअल २० वाट्टको स्टेरियो सेटअप छ । जसले डीटीएस—एचडी साउन्ड प्रदान गर्दै उपभोक्ताको घरमा ठूलो टिभीको सिनेमेटिक अनुभव प्रदान गर्ने जनाइएको छ । यो ३९ हजार ९ सय ९९ मा उपलब्ध छ ।

कम्पनीका कन्ट्री जनरल म्यानेजर सौरभ कोठारीले भने, ‘नेपालको हाम्रो उत्पादन पोर्टफोलियोमा एक नयाँ श्रेणीको प्रारम्भ गर्न पाउँदा निकै खुसी छौं । सन्तुष्टि नै पहिला भन्ने उद्देश्यका साथ हामी हरेक मी टिभी प्रयोगकर्तालाई व्यक्तिगत इन्टरफेसका साथ अद्भूत अनुभव प्रदान गर्ने आशा राख्दछौं । मी टिभीले यसको उत्कृष्ट सफ्टवेयरका साथ स्मार्ट टिभीको अर्थ परिभाषित गर्दछ ।’