युवा डाक्टारको धर्ना

Avatar आदर्श समाज सम्वाददाता
असाेज १३, २०७७

पोखरा, १३ असोज । एमडीको परीक्षामा देखिएको अव्यवाहारिक प्रवधान परिमार्जनको माग गर्दै युवा डाक्टार एसोसियसन पोखराले जिल्ला प्रशासन कार्यलय कास्की अगाडी धर्ना दिएको छ ।

हालै सार्वजनिक भएको चिकित्सा शिक्षा नियमावली र एकीकृत परीक्षाको सूचनाको केही बुदाँहरु गैरसरकारी चिकित्सकको हकमा अन्यायपूर्ण रहेकोले उक्त बुदाँहरु परिमार्जन हुनुपर्ने एसोसियसनको माग छ ।

विशेषगरी सिट बाँडाफाडको बिषय, खुल्ला प्रतिस्पर्धामा देखिएको अस्वस्थ प्रतिस्पर्धा र चिकित्सा शिक्षामा रहेका विभेदकारी र अन्यायपूर्ण व्यवस्था परिमार्जन हुनुपर्ने आफुहरुको माग रहेको युवा डाक्टार एसोसियसन पोखराका संयोजक डाक्टर सन्जिव बस्नेतले जानकारी दिए । चिकित्सा शिक्षा नियमावली सार्वजनिक हुँदा त्यसको मुलमर्म प्रतिस्पर्धा र योग्यता माथि नै प्रहार हुने गरी चलाखीपूर्वक भाषागत जालझेल गरी खुल्ला प्रतिस्पर्धालाई पूर्णतया निषेध गर्न खोजिएको उनिहरुको आरोप छ ।

९० प्रतिशत भन्दा बढी हिस्सा ओगटेका गैरसरकारी र देशका बिभिन्न भुगोलमा अधिकतम सेवा दिईरहेका करार चिकित्सकको बृद्धी विकासमा समस्या आउने र योगदानको कदर नहुने गरी गरिएका विभेदकारी प्रवधानको ५ बुँदा पुनर्मुल्याङ्कन गर्न उनीहरुले माग गरेका छन् ।

हाम्रो सुझाव