हेमजा, १३ असोज । नेलम्बो नेपालले सप्ताहव्यापी कार्यक्रम गरी ४१ औं सामाजिक सेवा दिवस मनाएको छ ।
जसअन्र्तगत दिवसको अन्तिम दिन सोमवार नेलम्बोले अन्नपूर्ण गाउँपालिका–३ स्थित मराउँचे गोलडाँडा काँडे बराह थान टोल विकास संस्थालाई स्वास्थ्य सुरक्षा सामग्री तथा डस्टविन वितरण गर्यो ।
जसअनुसार ७ वटा डस्टविन, डिटोल सावुन, एन ९५ माक्र्स र ब्रोसर गरी कुल रु.४६ हजार २५ वरावरका सामग्री हस्तान्तरण गरिएको हो । कार्यक्रम स्थानीय प्रगतिशील युवा क्लवको व्यवस्थापनमा भएको थियो ।
सो अवसरमा भनाई राख्दै प्रमुख अतिथि नेलम्बो नेपालका कार्यक्रम संयोजक डा. किसन कोइरालाले सामाजिक सेवा दिवसको अवसर पारी सहयोग गरेको स्पष्ट पार्दै सहयोगले कोभिड १९ संक्रमण नियन्त्रण तथा वातावरण संरक्षणमा भूमिका खेल्ने विश्वास लिए । उनले संस्थाको वारेमा जानकारी पनि दिर्दै आगामी दिनमा टोल तथा क्लबसँग आफूहरु हातेमालो गर्न तयार रहेको स्पष्ट पनि पारे।
संयोजक कोइरालाले मराउँचे पोखरा महानगरपालिका तथा अन्नपूर्ण गाउँपालिकाका केही वडाको खानेपानीको मुख्य स्रोत भएको थाहा पाएसँगै गाउँ बढी सरसफाई युक्त हुनुपर्ने मनासायका साथ पनि डस्वीन सहयोग गरेको स्पष्ट पारे।
विशेष अतिथी नेलम्बो नेपालका जनसम्पर्क सुपरिवेक्षक भीमप्रसाद भण्डारीले संस्थाले शिक्षा, स्वास्थ्य र वातावरणको क्षेत्रमा कार्य गर्दै आएको अवगत गराउँदै दुर्गम वस्तीमा सहयोग गर्नु संस्थाको धर्म भएको औँल्याए ।
प्रगतिशील युवा क्लवका पुर्व अध्यक्ष सुरज पौडेलले सेवा नै धर्म भएको जनाउँदै संस्थाले वास्तविक सहयोग गर्नुपर्ने स्थान छनोट गरी कार्यक्रम गरेको भन्दै खुसी व्यक्त गरे । कतिपय गैरसरकारी संस्थाले डलरको खेती गर्ने गरेको तर्फ संकेत गर्दै पौडेलले नेलम्बोमा भने आफूले त्यस्तो नपाएको उल्लेख गरे ।
टोल विकास संस्थाका अध्यक्ष कृष्णप्रसाद अधिकारीले सहयोगी संस्थाप्रति आभार प्रकट गर्दै सामग्रीको पूर्ण सदुपयोग गर्ने प्रतिवद्घता जनाए । उनले आफ्नो जन्मभूमिलाई माया गर्न सबैसँग अनुरोध समेत गरे ।
Related News
सम्बन्धित समाचार
प्रदेश सरकार उलटपुलट
दृष्टिविहीनलाई बाटो देखाउँदै गुगल
रुपाको अस्पताल र स्वास्थ्य बिमा बोर्डबीच सम्झौता
युनाइटेडद्वारा शैक्षिक तथा खेल सामग्री वितरण
रुपाको अस्पताल र स्वास्थ्य बिमा बोर्डबीच सम्झौता
hero news full width
मुख्य समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१