म्याग्दीका बाढीपहिरो पीडितलाई मगर संघको राहत

साधन राम्जाली
असाेज ११, २०७७
Myagdi Rahat

म्याग्दी, ११ असोज । म्याग्दीका बाढीपहिरो पीडितलाई मगर संघले राहत वितरण गरेको छ । नेपाल मगर संघ केन्द्रीय समितिको आह्वानमा अन्तर्राष्ट्रिय मगर महासंघको समन्वयमा मगर संघ बेलायत, मगर संघ हङकङ र मगर संघ म्याग्दीले संकलन गरेको राहत जिल्लाका बाढी पहिरो पीडित परिवारलाई वितरण गर्न गरिएको हो । सोही अन्तर्गत अन्नपूर्ण गाउँपालिका–३, का बाढीपहिरो पीडितलाई राहत वितरण गरिएको छ । वडा नम्बर ३ कोे काभ्रे, द्वारी, तितर फगामका २४ बाढी पहिरो पीडितलाई वितरण गरिएको हो ।

बाढी पहिरोमा बेपत्ता बलबहादुर गर्बुजाको र मृतक झलकबहादुर पुन मगरका प्रति परिवार पाँच हजार रुपैयाँ दरले दश हजार रुपैयाँ सहित तीन हजार रुपैयाँ बराबरको खाद्यान्न तथा अन्य पीडित परिवारलाई प्रति परिवार तीन हजार रुपैयाँका दरले ८२ हजार रुपैयाँ बराबरको राहत वितरण गरिएको हो । सो खाद्यान्न तथा नगद गाउँपालिका अध्यक्ष तथा नेपाल मगर संघ म्याग्दीका सल्लाहकार क्याप्टेन डमबहादुर गर्बुजा पुन र मगर संघ म्याग्दीकी अध्यक्ष डकमाया पाइजाले वडा अध्यक्ष नरसिंहबहादुर पुर्जा मार्फत नगद र खाद्यान्न वितरण गरिएको थियो ।

गाउँपालिका अध्यक्ष क्याप्टेन गर्बुजा पुनले सहयोगी दाताहरुलाई धन्यवाद दिए । अविरल बर्षाका कारण बाढीपहिरोबाट अन्नपूर्णमा ठुलो क्षति भएको क्याप्टेन गर्बुजाले बताए । पीडित परिवारलाई गाउँपालिकाले तत्काल राहत उपलब्ध गराएको जानकारी गराए ।

मगर संघ म्याग्दीकी अध्यक्ष पाइजा मगरले मंगर संघ केन्द्रीय समितीको आह्वान, अन्तर्राष्ट्रिय महासंघको समन्वय मगर संघ बेलायत, मगर संघ हङकङ र मगर संघ जिल्ला समन्वय समिती म्याग्दीले संकलन गरेको राहत पीडित परिवारलाई वितरण गरिएको बताइन् । कमजोर भुुगोल, भूमिगत पानी, सडक निर्माण तथा नदीको कटानले पहिरो गएको वडा अध्यक्ष पुर्जाले बताए ।

यस्तै जिल्लाको धवलागिरी र मालिका गाउँपालिकामा पनि राहत वितरण गरिने सचिव खमबहादुर थापा मगरले जानकारी दिए । उनका अनुसार जिल्ला उपाध्यक्ष लोकबहादुर पुन ‘लोकेश’को नेतृत्वमा सो राहत वितरण गरिने भएको छ । बेनी नगरपालिका वडा नम्बर २ भकिम्लीका पीडित परिवारलाई बीस हजार अन्य रघुगंगा, मालिका, धवलागिरी र मंगला गाउँपालिकामा पूर्ण क्षति भएका परिवारलाई प्रति परिवार पाँच हजार, मृतक र बेपत्ता परिवारलाई प्रति परिवार दश हजार रुपैयाँका दरले राहत वितरण गरिने छ । जिल्लाभरका बाढीपहिरो पीडितलाई पाँच लाख रुपैयाँ बराबरको राहत वितरण गरिने जिल्ला सचिवालय सदस्य हिराबहादुर पुनले जानकारी दिए ।

Related News

सम्बन्धित समाचार

    • एक घर एक रोजगार

      रासस असार ७, २०७८
      गलकोट । बागलुङको बरेङ गाउँपालिकाले एक घर एक रोजगार कार्यक्रम अघि सारेको छ । कोरोना महामारीका कारण वैदेशिक रोजगारी गुमाएर…
    • हाम्रो परिवर्तन नेपालको ज्ञापन

      आदर्श समाज सम्वाददाता असार ७, २०७८
      पोखरा  । हाम्रो परिवर्तन नेपालले विभिन्न मागसहित गण्डकी प्रदेशका मुख्यमन्त्री कृष्णचन्द्र नेपाली पोखरेललाई आइतबार ज्ञापनपत्र बुझाएका छन् । संस्थाका अध्यक्ष…
    • २५ परिवारलाई रेडियो उपहार

      आदर्श समाज सम्वाददाता असार ७, २०७८
      दमौली । जिल्लाको देवघाट गाँउपालिकाले २५ घरपरिवारलाई रेडियो उपहार दिएको छ । सूचनाको पहँुचबाट टाढा रहेकालाई सूचना प्रवाह गर्न रेडियो…
    • संक्रमित खोज्न वडा तहमा एन्टिजेन

      सविन लामिछाने असार ७, २०७८
      दमौली । शुक्लागण्डकी ७ का ३५ वर्षीय पुरुषले वडास्तरमा खटिएको स्वास्थ्यकर्मीको टोलीसमक्ष स्वाब दिए । एन्टिजेनमार्फत गरिएको परीक्षणमा रिपोर्ट भने…
    • सत्ता किचलोले बजेटमा विलम्ब

      आदर्श समाज सम्वाददाता असार ७, २०७८
      पोखरा । गण्डकीमा अहिले सत्ता किचलो बढी छ । संविधानको धारा १६८ (५) अनुसार गठित कृष्णचन्द्र नेपाली पोखरेलको सरकारले जेठ…

    hero news full width

    sanil ads

    wordlink ads