संयुक्त एम्बुलेन्स चालक संघमा होमनाथ

Avatar आदर्श समाज सम्वाददाता
असाेज ११, २०७७

पोखरा । संयुक्त एम्बुलेन्स चालक संघ कास्कीको अध्यक्षमा होमनाथ पौडेल निर्वाचित भएका छन् ।

संघको शनिबार पोखरामा सम्पन्न दोस्रो अधिवेशनले पौडेलको अध्यक्षतामा नयाँ कार्यसमिति सर्वसम्मत चयन गरेको हो ।

संघ उपाध्यक्षमा अम्जद मियाँ, सचिवमा कुशल कुँवर र कोषाध्यक्षमा चित्रबहादुर थापा चयन भएका छन् ।

सदस्यमा बुद्धि पन्त, शिवकुमार श्रेष्ठ र कुलबहादुर गुरुङ छन् ।

केन्द्रीय प्रतिनिधिमा कास्कीबाट रामचन्द्र पहारीलाई छनोट गरिएको छ भने भेलाले केन्द्रिय सचिवालय सदस्यमा डिल्लीराम पौडेललाई मनोनीत गर्न केन्द्रिय अध्यक्षलाई आग्रह गर्ने निर्णय समेत गरेको नवनिर्वाचित अध्यक्ष पौडेलले जानकारी दिए ।

कार्यक्रममा केन्द्रिय महासचिव मुक्ति काफ्लेले अब देशभरका एम्बुलेन्स चालक एक भएर आफ्नो हक र अधिकारका लागि लड्नुपर्ने बेला आएको भन्दै संगठित हुन आग्रह गरे ।

रामचन्द्र पहारीको अध्यक्षतामा सम्पन्न कार्यक्रमको संचालन डिल्लीराम पौडेल र स्वागत होमनाथ पौडेलले गरेका थिए ।