वालिङ, ७ असोज । स्याङ्जाको वालिङ नगरपालिका वडा नं. १४ का स्थानीयले वडा विभाजनको माग गर्दै हस्ताक्षर संकलन गरी बुझाएका छन् ।
अन्य वडाको तुलनामा वडा नं. १४ भौगोलिकरुपमा ठूलो र विकट भएको लगायतका कारणहरुले छुट्टै वडा कायम गर्न माग गर्दै नगर प्रमुख दिलिपप्रताप खाँणलाई प्रभावित क्षेत्रका एकहजार ६ जनाको हस्ताक्षर तथा भेलाले गरेका निर्णयहरु बुझाएका हुुन् ।
साविक वालिङ नपाको १० नं. वडा, थुमपोखरा गाविसको ५ वटा वडाहरु, कालिकाकोट गाविसको ३ वटा वडाहरुलाई गाभेर १४ नं. वडा कायम गरिएको र सो वडा भौगोलिकरुपले ज्यादै ठूलो भएकाले विकास निर्माणको काम लगायत सरकारी सेवा सुविधामा सरोकारवाला जनताको पहुँच पुग्न कठिनाई भएकाले वडा विभाजन गरी छुट्टै वडा कायम गर्न माग गरिएको वडा विभाजन संयोजन समितिका संयोजक कोपिल खाँणले बताए ।
“साविक वालिङ १०, थुमपोखरा ९ र कालिकाकोट २ को भौगोलिक क्षेत्रलाई समावेश गरी स्थानीय सरकार सञ्चालन ऐन, २०७४ को परिच्छेद २ को दफा ५ र ६ को परिधिमा रही हालको वडालाई विभाजन गरी छुट्टै वडा कायम गर्न माग गरेका हौं” ।
वडाको केन्द्र अपायक स्थानमा रहेको, विकास निर्माणका काममा सम्बन्धित निकायबाट प्राप्त हुने स्रोत भौगोलिक क्षेत्रको आधारमा न्यून तथा अपूग हुन गएको, विकास निर्माणको काममा स्रोत वितरणको समानरुपमा हुन कठिनाई भएको, सरकारी सेवा सुविधाका लागि जनसङ्ख्याको चाप बढी भएको उल्लेख गरिएको छ ।
प्रस्तावित क्षेत्रका जनताको भाषिक, सामाजिक तथा सांस्कृतिकरुपमा समानता भएको, वडाको सबै भौगोलिक क्षेत्रमा राजनीतिक नेतृत्वको पहुँच समान र आवश्यकरुपमा पुग्न कठिनाई भएको र वडाको सबै क्षेत्रका जनताको दैनिकी सञ्चालनका लागि अत्यन्तै आधारभूत सेवा सुविधाहरुसमेत पुग्न कठिनाई भएको महशुष गरी सरकोरवाला जनताको संकलित हस्ताक्षर, भेलाले गरेका निर्णयहरु, प्रस्तावित भौगोलिक क्षेत्रको नक्सासहित नगर प्रमुख समक्ष निवेदन पेश गरिएको संयोजन समिति संयोजक खाँणले बताए ।
अन्य वडाको तुलनामा भौगोलिक दृष्टिले ठूलो र अपायक भएकाले वडाबासीले राखेका माग जायज भएको वडा अध्यक्ष झम्मरबहादुर श्रेष्ठले बताए ।
“वडामा आउने बजेटले भौगोलिक विकटताका कारण विकास निर्माण प्रक्रिया तथा वडाबाट प्रदान गरिने सेवा सुविधा लिनका लागि सेवाग्राहीलाई कठिनाई भएको छ” वडा अध्यक्ष श्रेष्ठले भने, “सम्बन्धित क्षेत्रका स्थानीयहरुले हस्ताक्षर संकलन गरी बुझाउनुभएको छ यसमाथि छलफल गरी आवश्यक निर्णय लिने छौं” ।
सम्बन्धित क्षेत्रका स्थानीयहरुले विभिन्न कारणहरुसहित नगरपालिकामा वडा विभाजनको माग गरेकाले नगरपालिकाले अबको प्रक्रिया थाल्ने नगर प्रमुख दिलीपप्रताप खाँणले बताए ।
“विभिन्न आठ वटा कारणहरुसहित वडा विभाजन गरी छुट्टै वडा बनाउन स्थानीयले माग गर्नुभएको छ” नगर प्रमुख खाँणले भने, “यस सम्बन्धमा अब नगरपालिकाले सम्बन्धित क्षेत्रमै पुगेर बैठक बसाल्ने र बहुमत नागरिकको धारणा जे आउँछ त्यही निर्णय नगरसभामा पेश गर्ने र नगरबाट पारित गर्ने छ” ।
नगरले पारित गरेको निर्णयलाई गण्डकी प्रदेश सभाबाट पारित भएमा केन्द्रमा जाने र केन्द्रले पारित गरेमात्रै वडा विभाजन हुने नगर प्रमुख खाँणले बताए ।
“अन्य वडाको तुलनामा भौगोलिक दृष्टिले ठूलो भएकाले पनि यस वडालाई अन्यको तुलनामा नगरबाट धेरै रकम विनियोजन गरिँदै आईएको छ” नगर प्रमुख खाँणको भनाई थियो ।
Related News
सम्बन्धित समाचार
मेलम्चीको पानीले वाग्मतीको बहाव बढ्यो
कुमाल बस्तीमा सुरु भयो उपचार
सिद्धार्थ राजमार्ग अब आर्थिक कोरिडोर
पाल्पाली समाजमा रेशम थापा रचक
वाराहीमा पूर्व विद्यार्थी मञ्च गठन
hero news full width
मुख्य समाचार
गौतमबुद्ध अन्तर्राष्ट्रिय क्रिकेट रङ्गशालाः ‘हाम्रो रङ्गशाला, मेरो कुर्ची’ अभियान
पुनस्र्थापित संसदको पहिलो बैठकमै अवरोध
फागुन २४, २०७७संसद् बैठकमा सभामुखको लिखित मन्तव्य
फागुन २३, २०७७ऋषि कट्टेलकाे नेकपा वैधानिक, अोली- दाहालकाे खाेरज
फागुन २३, २०७७घुम्ने कर्मचारीलाई महिनाभरिको तलब, आधा महिना छुट्टी
फागुन २३, २०७७सहिदका छोराछोरीलाई उच्च शिक्षाको चिन्ता
फागुन २३, २०७७