आईपीएल : दिल्ली क्यापिटल्सले किङ्स ११ पञ्जाबलाई सुपर ओभरमा हरायो

Avatar आदर्श समाज सम्वाददाता
असाेज ५, २०७७

तस्बीर साभार : क्रिक फिट डट कम

पोखरा । १३ औँ संस्करणको इन्डियन प्रिमियर लिग (आइपीएल) अन्तर्गत दिल्ली क्यापिटल्स र किङ्स ११ पञ्जाबबीचको खेल रोमाञ्चक बन्यो ।

यस संस्करणको आइतबार दोस्रो दिन दिल्ली क्यापिटल्स र किंग्स ११ पन्जाबबीचको खेलको छिनाफानो सुभर ओभरबाट संभव भयो ।

युएईको अन्तर्राष्ट्रिय मैदानमा दिल्लीले निर्धारित २० ओभरमा ८ विकेट गुमाएर १ सय ५७ रन बनायो । किङ्स ११ पन्जाबले २० ओभरमै ८ विकेटको क्षतिमा १ सय ५७ रन जोड्दा खेल टाई भयो ।

सुपर ओभरमा किङ्स ११ पहिलो ब्याटिङमा गयो । सुपर ओभरमा दक्षिण अफ्रिकी बलर कागिसो रबाडाले घातक बलिङ गरे । उनले किङ्स ११ का लोकेश राहुल तथा निकोलास परनलाई आउट पारे । पहिलो बलमा लोकेशले २ रन मात्रै लिएका थिए ।

दिल्लीले सुपर ओभरमा ३ रनको लक्ष्य पायो । किङ्स ११ का लागि मोहमद सामीले बलिङ गरे । उनले पहिलो बल डट फ्याँके । अर्को बल वाइड भयो । दिल्लीका रिषभ पन्तले अन्तिम बलमा २ रन लिँदै दिल्लीलाई रोमाञ्चक जित दिलाए ।

यसअघि, पहिलो ब्याटिङ गरेको दिल्लीले गतिलो सुरुवात गर्न सकेन । लो स्कोरिङ गरेको खेलमा दिल्लीले सुरुवाती ५ विकेट गुमाउँदा ८७ रन बनाएको थियो ।

कप्तान श्रेयस इयेरले २९ रन, रिभष पन्तले ३१ रन तथा मार्कोस स्टोनिसले ५३ रन जोडेपछि दिल्लीले २० ओभरमा १ सय ५७ रन बनाउन सफल बन्यो ।
उक्त ब्याटिङ इनिङ्समा दिल्लीका लागि ‘म्यान अफ दी म्याच’ स्टोनिसले केवल २१ बलमा ३ छक्का र ७ चौकाको सहयोगमा ५३ रनको योगदान दिए ।

दिल्लीको ब्याटिङमा ८ ब्याटसम्यानले दोहोरो रन नै बनाएनन् । प्रत्युत्तरमा पन्जाब ११ का ब्याट्सम्यानले धैर्यता गुमाउँदा सहज लक्ष्य पनि पार गर्न सकेन ।

तस्बीर साभार : इङ्लिस जागरण डट कम

अझ इनिङकै अन्तिम बलमा पन्जाब ११ लाई १ रन चाहिएको थियो । क्रिस जोर्डनलाई स्टोनिसले आउट पार्दै खेललाई टाई बनाए । खेलम अन्तिम ओभर रोमाञ्चक बन्यो । दिल्लीबाट अन्ति ओभर स्टोनिसले गर्न आए । अन्तिम ओभरमा पन्जाबले १३ रन बनाउनुपर्ने थियो ।

क्रिजमा मायांक अग्रवाल थिए । उनले स्टोनिसको पहिलो बल छक्का रूपमा प्रयोग गरे । त्यसपछि अर्को बलमा मायांकले २ रन लिए । पन्जाबलाई अन्तिम ४ बलमा ५ रन मात्र चाहिएको थियो ।

मायांकले अर्को बलमा चौका प्रहार गर्दै खेललाई बराबरी बनाए । स्टोनिसले चौथो बल डट फ्याँके । पाँचौँ बलमा उनले मायांकलाई अक्षर पटेलबाट क्याच आउट गराए ।

अन्तिम बलमा सिमरोन हेटमेयरबाट जोर्डनलाई क्याच आउट गराउँदै स्टोनिसले पन्जाबलाई रोके । पन्जाबको ब्याटिङमा मायांक अग्रवालले ६० बलमा ७ चौका र ४ छक्का प्रहार गरी सर्वाधिक ८९ रन बनाएका थिए ।

तर, उनले आफ्नो टोलीलाई जित दिलाउन सकेनन् । यसैगरी कप्तान लोकेशले २१ रन बनाउन २ चौका र १ छक्का प्रहार गरे ।

यस संस्करणको तेस्रो दिन सोमबार रोयल्स च्यालेञ्जस बैङ्लोरले सन राइजर्स हैदराबादको सामना गर्नेछ । बैङ्लोरका कप्तानी विराट कोहली र हैदराबादको कप्तानी डेभिड वार्नरले गरिरहेका छन् । आईपीएमा अहिलेसम्म दुवै टोलीबीच १५ खेलमा प्रतिस्पर्धा भएको छ । जसमध्ये हैदराबादले ८ तथा बैङ्लोरले ६ खेलमा जित निकालेको छ । २०१६ को आईपीएल फाइनलमा हैदराबादले बैङ्लोरलाई ८ रनले हराउँदै उपाधि जितेको थियो ।

प्रमुख समाचार