पोखरा, ४ असोज । महानगरस्तरीय भर्चुअल वक्तृत्वकला प्रतियोगिता मदरल्यान्ड माविका अन्जन पौडेल प्रथम भएका छन् । संविधान दिवसका अवसरमा पोखरेली युवाहरुको संस्था आवाजले आयोजना गरेको हो ।
प्रतियोगितामा केफ माविकी जागृति अधिकारी द्वितीय र हिमालयन बोर्डिङ स्कुलकी अश्मि भण्डारी तृतीय भएका छन् ।
प्रतियोगितामा प्रथम, द्वितीय र तृतीय हुनेले क्रमशः ८ हजार, ४ हजार र २ हजार नगद र प्रमाणपत्र पाएका छन् । प्रतियोगितामा पोखराका १० विद्यालयका १२ जना कक्षा ९ र १०का विद्यार्थीहरु सहभागी थिए ।
कार्यक्रमका प्रमुख अतिथि माउण्ट अन्नपूर्ण स्कुल, नदीपुरका प्रिन्सिपल प्रदीपकुमार लम्सालले प्रतियोगी प्रस्तुती उपलव्धिमुलक रहेको बताए । यस्तै उनले आवाज संस्थाले आवाज विहीनहरुको आवाज बुलन्द बनाउन महत्वपूर्ण भूमिका खेलेको बताए ।
संस्थाका अध्यक्ष प्रकाश सुनारले कोभिड–१९ ले जनजिवनमा पारेको असरलाई चिरेर उठ्नका लागि सुरुमा विद्यार्थीहरुको मार्फत अगाडि बढाउनका लागि प्रतियोगिताको आयोजना गरिएको बताए ।
प्रतियोगिताका निर्णायक डा. टेकनारायण पौडेलले वक्तृत्वकलाका नियमहरुकाबारे जानकारी दिँदै महामारीले मनोवैज्ञानिक प्रभावलाई झेलेर बसेका विद्यार्थीहरुका लागि कार्यक्रम अति उपयोगी रहेको बताए ।
उनले नेपालको संविधान जारी भैसकेको अवस्थामा पनि हाम्रो सामाजिक स्तरको चेतनामा थुप्रै परिर्वतन आउन बाँकी रहेको बताए । जुन परिर्वतनका लागि यस्तै खाले रचनात्मक कार्यक्रम गरेर मात्र नपुग्ने भन्दै विशेष गरी हाम्रो दृष्टिकोण र व्यवहारमा पनि परिवर्तन गर्नुपर्ने उनले बताए ।
कार्यक्रममा नेपाल आइडल सिजन–२ का उपविजेता विक्रम वरालको विशेष प्रस्तुती समेत रहेको थियो ।
संस्थाका अध्यक्ष प्रकाश सुनारको अध्यक्षतामा सम्पन्न कार्यक्रमको सञ्चालन संस्थाका सदस्य अर्जुन परियारले गरेका थिए ।
Related News
सम्बन्धित समाचार
रोजगारी दिनेभन्दा खोज्ने कम : २ सय ४५ जनाले पाए रोजगारी
गण्डकी बोर्डिङका शिक्षकलाई तालिम
प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन
एनटिभिएको शुभकामना आदानप्रदान
पोखरा १३ मा निशुल्क तालिम
hero news full width
मुख्य समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१