गण्डकी बहुप्राविधिकका विद्यार्थीलाई वडाको छात्रवृत्ति

Avatar आदर्श समाज सम्वाददाता
असाेज ३, २०७७
gandaki Multytechnical School

पोखरा महानगरद्वारा सञ्चालित गण्डकी बहुप्राविधिक शिक्षालयमा सिभिल तथा अटो मोबाइल इन्जिनियरिङ अध्ययनका लागि वडा कार्यालहरुले छात्रवृत्ति दिने भएका छन् ।

वडा १३ बाट वडाका स्थायी निवासी एक विपन्न तथा जेहेन्दार विद्यार्थीलाई वडा कार्यालयबाट तीन वर्षे कोर्ष छात्रवृत्ति प्रदान गरिने भएको छ ।

यसैगरी वडा २७ ले पनि अति विपन्न र जेहेन्दार विद्यार्थीलाई प्राथमिकता दिएर छात्रवृत्ति उपलब्ध गराउने बताएको छ । वडा २८ का अध्यक्ष निर्मल दियाली सुनारले आफ्नो वडाका २ जनालाई निःशुल्क पढाउने बताएका छन् ।

वडा नम्बर ५, ७, १३,१८,२०,२१,२४,२६,२७, २८,२९,३०,३१ का वडा अध्यक्षहरुले प्रवेश परीक्षामा उत्तीर्ण हुने एक जना आफ्नो वडामा स्थायी बसोबास भएकाहरुलाई छात्रवृत्ति उपलब्ध गराउने पोखरा महानगरपालिका शिक्षा महाशाखाले बताएको छ ।

गण्डकी बहुप्राविधिक शिक्षालयले सिटिइभिटीबाट छनोट भएका प्रति सङ्काय ४ जना, प्रवेश परीक्षा उत्कृष्ट हुने प्रति सङ्काय एकजना, महानगर छात्रवृत्ति प्रति सङ्काय ५ जना तथा महानगर सहुलियत कोटामा ६ जनालाई छात्रवृत्ति प्रदान गरिने शिक्षालय सञ्चालक समितिका सदस्य एव वडा नम्बर २९ का अध्यक्ष चेतबहादुर गुरुङले बताए ।

Related News

सम्बन्धित समाचार

    hero news full width

    sanil ads

    wordlink ads