जरोटुप्पोले सचेतनासहित बहस चलाउने

आदर्श समाज सम्वाददाता
असाेज २, २०७७
FB

जरोटुप्पो संरक्षण साहित्य समाज नेपालले शनिवार बहस चलाउने भएको छ ।

संविधान दिवस पारेर पोखरामा कोरोना सचेतनासहित धर्म–अर्थ–काम र मोक्ष विषयक विचार गोष्ठी सञ्चालन गर्ने भएको हो ।

विचार गोष्ठीसहित संस्थाको प्रथम साधारणसभा र साहित्यकार गीता भट्टराईको स्मृति सभासमेत आयोजना गरिने प्रवक्ता ताराबहादुर गुरुङले जानकारी दिए ।

विचार गोष्ठीमा धर्मबारे विश्वप्रकाश लामिछाने, अर्थबारे आनन्दराज मुल्मी, कामबारे सावित्री गौतम र मोक्षबारे डा.लेखनाथ आचार्यले आ–आफ्ना विचार राख्ने अध्यक्ष डा नारायणप्रसाद अधिकारी बताउँछन् ।

सशक्त कवि गीता भट्टराइको असामयिक निधनप्रति संस्थाले गहिरो समवेदना व्यक्त गर्दै भट्टराइको निधनले नेपाली वाङ्मयको क्षेत्रमा अपुरणीय क्षति पुगेकाले उनको श्रद्धाञ्जली सभामा कृतित्व र व्यक्तित्वमाथि प्रकाश पारिने सदस्य छन्दिका त्रिपाठी बताउँछिन् ।

संस्थाद्वारा कोरोना सचेतना सामग्री वितरण गरी सामाजिक दूरी कायम गर्दै सीमित समूहमा उक्त कार्यक्रम आयोजना गरिने बताइएको छ ।
कोरोना सचेतनाका लागि लायन्स क्लब अफ पोखरा सेन्ट्रल गार्डनले सचेतना सामग्री, मास्क र स्यानिटाइजर उपलब्ध गराएको संस्थाका सदस्य सुमन श्रापितले जानकारी दिए ।

२०७६ ज्येष्ठ ३ गते स्थापना भएको जरोटुप्पो संरक्षण साहित्य समाज नेपालले समसामयिक विषयका विभिन्न वहस, पैरवी गर्दै साहित्यको उन्नति, देशभक्ति र राष्ट्रिय एकताका पक्षमा वकालत गर्दै आएको छ ।

Related News

सम्बन्धित समाचार

  • सञ्जीवले ल्याए ‘जून ओर्लेको रात’

    आदर्श समाज सम्वाददाता चैत्र ११, २०८०
    पोखरा । कवि सञ्जीव पौडेलको कवितासंग्रह ‘जून ओर्लेको रात’ बजारमा आएको छ । शनिबार पोखरामा आयोजित दौंतरी कार्यक्रममा उक्त कृति…
  • ‘प्रिया !’ मुक्तक संग्रह लोकार्पण

    आदर्श समाज सम्वाददाता चैत्र ११, २०८०
    पोखरा । उपप्राध्यापक सुरज पौडेलद्वारा लिखित ‘प्रिया !’ मुक्तक संग्रह लोकार्पण गरिएको छ । सिर्जनशील लोकतान्त्रिक प्रतिष्ठान पोखरा आयोजनामा शनिबार…
  • फेवाताल किनारमा चित्ताकर्षक ओडिसी नृत्य

    आदर्श समाज सम्वाददाता चैत्र १०, २०८०
    पोखरा । नेपाल र भारतको समृद्ध सांस्कृतिक सम्पदा मनाउन पोखरामा शनिबार साँझ भारतीय शास्त्रीय ओडिसी नृत्य र नेपाली लोकनृत्य प्रस्तुत गर्दै…
  • कर्मचारी युनियन कास्कीको क्यालेन्डर

    आदर्श समाज सम्वाददाता चैत्र ९, २०८०
    पोखरा । नेपाल निजामती कर्मचारी युनियन कास्कीले विसं २०८१ को क्यालेन्डर निकालेको छ । शुक्रबार पोखरा आयोजित शुभकामना आदानप्रदान कार्यक्रममा…
  • जसुलाई रोटरी भोकेसनल एक्सिलेन्स अवार्ड

    आदर्श समाज सम्वाददाता चैत्र ५, २०८०
    पोखरा । पोखराकी जसु गुरुङ १ लाख राशिको रोटरी भोकेसनल एक्सिलेन्स अवार्डबाट सम्मानित भएकी छन् । महिलालाई सामाजिक सेवामा प्रोत्साहित…

hero news full width