बाल यौन दुव्यर्वहार अभियोगमा पक्राउ

Bijay Nepal विजय नेपाल
भाद्र ३०, २०७७

पोखरा, ३० भदौ । बालिकालाई यौन दुव्यर्वहार गरेको अभियोगमा कास्की प्रहरीले पोखरामा एक जनालाई पक्राउ गरेको छ ।

पक्राउ पर्नेमा पोखरा ७, प्रगतिटोल बस्ने ५२ वर्षीय टीकाबहादुर दमै हुन् ।

निजले सोमबार दिउँसो करणीको आशय राखी १० वर्षीया बालिकालाई यौन दुव्यर्वहार गरेको जाहेरी आधारमा वडा प्रहरी कार्यालय बैदामबाट खटिएको प्रहरी टोलीले उनलाई सोही दिन पक्राउ गरी अनुसन्धान थालेको जनाएको छ ।

पक्राउ परेका दमैविरुद्ध बाल यौन दुव्यर्वहार कसूरअन्तर्गत कास्की जिल्ला अदालतबाट ८ दिन म्याद थप गरी अनुसन्धान प्रक्रिया अघि बढाइएको कास्की प्रहरीका प्रवक्ता प्रहरी नायव उपरीक्षक सुभास हमालले जानकारी दिए ।

कोरोना महामारीसँगै लामो समयसम्म जारी बन्दाबन्दीको बेला पोखरामा यौन दुव्यर्वहार एवं बालिका तथा महिला बलात्कार घटना एकपछि अर्को सार्वजनिक हुँदै गएका छन् ।

हाम्रो सुझाव