इङ्लिस प्रिमियर लिगमा सेफिल्डमाथि वल्भ्सको सहज जित

आदर्श समाज सम्वाददाता
भाद्र ३०, २०७७
Wolves, English Primiere League

तस्बीर साभार :  कन्ट्री प्रेस डट को डट युके

पोखरा । इङ्लिस प्रिमियर लिगमा वल्भ्सले सेफिल्ड युनाइटेडमाथि सहज जित हात पारेको छ ।

पाहुना टोली वल्भ्सले सेफिल्डमाथि उसकै घरेलु मैदानमा २–० को सहज जित हात पारेको हो ।

सोमबार राति भएको खेलमा वल्भ्सको जितमा राउल जिमिनेज र रोमेन सइसले १/१ गोल गरे । खेलको ६ मिनेटमै वल्भ्सले २–० को अग्रता नै वल्भ्सको जित निश्चित बन्यो ।

खेलको तेस्रो मिनेटमै राउल जिमिनेजको गोलमा वल्भ्सले अग्रता लिएको थियो । राउलको गोलमा ड्यानियल पोडेन्सले एसिस्ट गरेका थिए । पेनाल्टी बक्सभित्र अनमार्कमै रहेको अवस्थामा पोडेन्सले जिमिनेजलाई बल क्रस गरेका थिए । जिमिनेजले पेनाल्टी बक्सभित्रबाट उत्कृष्ट फिनिस गर्दै टोलीलाई अग्रता दिलाएका थिए ।

तस्बीर साभार : सकर डट एनबीसी स्पोर्ट्स डट कम

त्यसपछि, पाँचौ मिनेटमा वल्भ्सका रोमेन सइसले गोल गरे । त्यसअघि, जिमिनेजको प्रहारलाई सेफिल्डका गोलरक्षक आरोन राम्सडलेले मुस्किलले विफल पारेका थिए । त्यसैमा प्राप्त कर्नरमा रोमेन सइसले गोल गर्दै वल्भ्सका लागि अग्रता दोब्बर बनाए । पेड्रो नेटोको कर्नरमा रोमेनको हेडरलाई सेफिल्डका गोलरक्षक आरोन राम्सडलेले रोक्ने कुनै अवसर नै पाएनन् ।

खेलको ५३ औं मिनेटमा रोमेन सइसको हेडर पोस्टबाट थोरै बाहिरिदा वल्भ्स फराकिलो अग्रता लिनबाट चुकेको थियो ।

Related News

सम्बन्धित समाचार

hero news full width