हेमजा । राष्ट्रिय पुनःनिर्माण प्राधिकरणबाट निर्माणाधीन पोखरा–२५, मेलवोटदेखि माछापुच्छ्रे गाउँपालिकाको सिदिङसम्मको सडक स्तरोन्नति कार्यमा भइरहेको ढलान गुणस्तरहीन भएको पाइएको छ।
सर्वसाधारणको गुनासो आएसँगै आइतवार जिल्ला समन्वय समिति कास्कीका प्रमुख बैनबहादुर क्षत्रीको नेतृत्वमा स्थलगत अनुगमन भयो । अनुगमनमा ढलान गुणस्तरहीन पाइएको प्रमुख क्षत्रीले जानकारी दिए ।
ढलानको सोलिङ कम्तीमा १० सेन्टिमिटर उचाईको हुनुपर्नेमा कतिपय स्थानमा सो भन्दा कम्ती पाइएको तथा सोलिङ ठाडो गरी गर्नुपर्नेमा ढुङ्गा सुताएर गरेको भेटिएको प्रमुख क्षत्रीको भनाइ छ । त्यस्तै अन्य केही सामान्य कमजोरी पनि देखिएको उनले बताए।
‘निर्माणको गुणस्तरबारे ध्यानाकर्षण गराएका छौं, अब सुधार होला भन्ने अपेक्षा गरौं, बाँकी आगामी दिनका कार्यले बताउँला,’ उनले भनेका छन्।
क्षत्रीको नेतृत्वमा भएको अनुगमनमा राष्ट्रिय पुनःनिर्माण प्राधिकरण जिल्ला कार्यान्वयन इकाइ कास्कीका आयोजना प्रमुख नवराज शर्मा, जिल्ला समन्वय समिति सदस्य गोमादेवी अधिकारी गौतम, पत्रकार महासंघ कास्की सचिव रामप्रसाद तिमिल्सेना, इ. दीपक तिमिल्सिना लगायतको टोली आइतवार त्यसतर्फ गएको थियो।
निर्माण कम्पनी हिमडु· थोकर एण्ड ड्रागन जेभीका इ. महेन्द्र आचार्यले कतिपय गल्ती कमजोरी भएको स्वीकार गर्दै अब आयन्दा त्यस्तो नहुने प्रतिबद्घता जनाए ।
उक्त सडक माछापुच्छ«े गाउँपालिकाको लाइफलाइन मानिन्छ । जसअन्र्तगत १६ किलोमिटर बाटो स्तरोन्नति गरिँदैछ । जसमध्ये १० किमी कालोपत्रे र ठाउँ–ठाँउमा गरी करिब ९ सय मिटर ढलान गर्ने योजना छ।
आगामी चैतवैशाखभित्रै सम्पूर्ण निर्माण सकिने निर्माण कम्पनीका इ. आचार्यले बताए । निर्मााण्मा हाल दैनिक ५० श्रमिक खटिएका छन् ।
Related News
सम्बन्धित समाचार
कामचलाउ सरकारको आयु लम्बियो
गण्डकी सरकार विरुद्धको रिट सपना र सारंगाको बेन्चमा
अधिकारी सरकारको भविष्य के होला ? सर्वाेच्चमा सुनुवाइ आज
चुमानलाई पहिलोपटक ढुकुटीको साँचो, मनाङे फेरि भौतिकमा
कामचलाउ मुख्यमन्त्री अधिकारी विश्वासको मत लिने तयारीमा
hero news full width
मुख्य समाचार
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१मुग्लिन–पोखरा सडक विस्तार : म्याद सकियो, काम अधुरै
वैशाख १०, २०८१