पोखरा हिमालयनले रक्तदान

Avatar आदर्श समाज सम्वाददाता
भाद्र २८, २०७७

पोखरा । लायन्स क्लब अफ पोखरा हिमालयनको आयोजनामा रक्तदान कार्यक्रम भएको छ । कार्यक्रममा ५४ जनाले रक्तदान गरेका छन् ।

ब्लड डोनेसन डिपार्टमेन्ट चिफ बालकृष्ण शर्माले पहिलो रक्तदातालाई ब्लडव्याग हस्तान्तरण गरी कार्यक्रम उद्घाटन गरेका थिए । उनले लायन्स क्लबहरुले यस्ता प्रकारका मानवीय सेवाका कैयन कार्यमार्फत सामाजिक उत्तरदायित्व बहन गरिरहेको बताए । यस्ता प्रकारका कार्यक्रमहरुको निरन्तरता जरुरी रहेकामा उनले जोड दिएका छन् ।

जोन–८३ जोन चियरपर्सन सपना रानाले कोरोना महामारीका कारण अस्पतालमा उपचार गराइरहेका बिरामीहरुका लागि समेत रगतको अभाव हुन सक्ने अवस्थालाई मध्यनजर गर्दै लायन्स क्लब र ती क्लबहरुमा आवद्ध लायनहरुलाई यस्ता प्रकारका निःस्वार्थ सेवामा समर्पित हुन उत्प्रेरणा प्रदान गरिन् ।

क्षेत्रीय रक्तसंचार केन्द्र पोखराका प्राविधिक प्रमुख अर्जुन ज्ञवालीले रक्तदान गर्दा मानिस थप स्वस्थ र तन्दुरुष्ट हुने उल्लेख गर्दै योग्य र स्वस्थ मानिसका लागि रक्तदान अनिवार्य हुने बताए ।

क्लब अध्यक्ष दिनेशराज शाक्यको अध्यक्षतामा सम्पन्न कार्यक्रममा स्वागत क्लबका पूर्व अध्यक्ष एवं सल्लाहकार सुविन्द्र श्रेष्ठ र संचालन सचिव नवीन नापितले गरेका थिए ।

हाम्रो सुझाव