पोखरा । पोखरा महानगरपालिकामा १३ करोड रुपैयाँ तलमाथि परेको भन्दै त्यसको पारदर्शी हिसाब खोज्दै आन्दोलन चर्किएको छ ।
‘जाऔं पोखरा’ अभियानअन्तर्गत स्वतःस्फूर्त युवाहरुले पोखरा महानगर कार्यालय अगाडि धर्नापछि बुधबार अख्तियार कार्यालय नै पुगेका छन् ।
कर्मचारी सेवा ऐन, २०७६ खारेज गर भनी तीनबुँदे मागसहितको कालो ब्यानर र सो कार्यक्रममा संकलन गरिएको हस्ताक्षर प्रदान गरी महानगरको धर्ना स्थगित गरेर नयाँबजारस्थित अख्तियार दुरुपयोग अनुसन्धान आयोगको प्रदेश कार्यालयमा १ घण्टा धर्ना दिइएको हो ।
यस्तै, अभियानमा सहभागीहरुले अख्तियारका पोखरा कार्यालय प्रमुख विपीन आचार्यलाई ध्यानाकर्षण पत्र बुझाएको जानकारी विश्व हिन्दू महासंघ नेपालका केन्द्रिय उपाध्यक्ष एवं अभियन्ता शंकर खरालले बताए ।
धर्नाका क्रममा सहभागीहरु मौन रही ‘महानगरमा भ्रस्टाचार छ, अख्तियार खोइ कहाँ छ ?’ नाराअंकित कालो ब्यानर प्रदर्शन गरिएको थियो ।
महानगरको १३ करोड रुपैयाँको हिसाबकिताब पारदर्शी नभए अब आन्दोलनका क्रममा जस्तोसुकै अवस्था सिर्जना गर्न आफूहरु पछि नपर्ने अभियन्ता गोमा पराजुलीले बताइन् ।
यसअघि, महालेखापरीक्षकको प्रतिवेदनले २०७५/०७६ मा पोखरा महानगरपालिकाको १३ करोड रुपैयाँ तलमाथि भएको रिपोर्ट निकालेको थियो । जसमा राजश्व शाखाको तथ्यांक र बैंकमा जम्मा भएको रकमबीच १३ करोडको फरक छ ।
मुक्तिनाथ विकास बैंकबाट त्यस वर्ष १ अर्ब २६ करोड रुपैयाँ राष्ट्रिय बाणिज्य बैंकको सञ्चित खातामा जम्मा भएको छ । तर राजश्व शाखाको तथ्यांकले १ अर्ब ३९ करोड राजश्व उठेको देखाउँछ । त्यसैले मलेपको प्रतिवेदन आएपछि अभियानका सहभागीले तलमाथि भएको १३ करोडको हिसाब माग गरेको बताएका छन् ।
‘जागौं पोखरा अभियान’ का अभियन्ताले अघिल्लो महिना पनि ‘१३ करोड खै मेयरसाव’ लेखिएको प्लेकार्ड लिएर महानगरमा प्रदर्शन गरेका थिए ।
त्यसबेला मेयर मानहादुर जिसीले १३ करोड नभई १ करोड ७३ लाख रुपैयाँ मात्रै तलमाथि भएको दाबी गर्दै वास्तविक हिसाबकिताब सार्वजनिक गर्न २५ दिनको समय माग गरेका थिए । तर उनले भनेजस्तो ११ करोड रुपैयाँ पनि राजस्व खातामा जम्मा नभएको अभियन्ता दीपक आचार्य दाबी गर्छन् ।
Related News
सम्बन्धित समाचार
भुवनेश्वर तिवारी, राजेन्द्रबाबु रेग्मीसहित १६ डिएसपी एसपी बढुवा सिफारिस – सूचीसहित
पर्वतको पाङमा रहेको पार्वती गुफामा पूर्वाधार निर्माण सुरु
पोखरामा प्रथम टाइगर कप भलिबल प्रतियोगिता हुने
भाडाका घरमा गाउँका ‘सिंहदरबार’
गण्डकीमा आयो कोरोना खोप
hero news full width
मुख्य समाचार
नेकपा विभाजनलाई निर्वाचन आयोगले मान्यता दिएन
फेदीखाेलामा गुरुङ भाषाका आदिकविकाे सालिक अनावरण
माघ ११, २०७७गुरुङ फिल्म अब नियमित रुपमा चलचित्र हलमा प्रदर्शन गरिने
माघ ११, २०७७गाउँमै रोजगारी : परिवारमा खुशीयाली
माघ ११, २०७७विकास खर्च तीन वर्षयताकै कम
माघ ११, २०७७हिउँ नपर्दा चिन्तामा किसान
माघ ११, २०७७