हेमजा । मंगलवार राति परेको अविरल वर्षाले अन्नपूर्ण गाउँपालिकाका १० घर जोखिममा परेका छन् ।
वडा १ नागडाँडा बजारस्थित कमल कुँवर, होमबहादुर कुँवर, मीरा कुँवर, गादीमोहन सुवेदी, धर्मदत्त सुवेदी, शम्भु केसी, बालकृष्ण अधिकारी, रामबहादुर केसी र मोहनध्वज कुँवरको घर उच्च जोखिममा परेका हुन् ।
त्यस्तै वडा २ दीपस्थित पार्वती अधिकारीको घर पनि उच्च जोखिममा छ । वर्षाले अन्नपूर्ण–१, अधिकारीडाँडा निवासी लले विकको घर बगाउँदा उनको परिवार विस्थापित समेत भएको छ।
अन्नपूर्ण १ स्थित देउराली रिर्सोटको डाँडा खसेर लेवाडेमा केही घण्टा पोखरा–बाग्लुङ राजमार्ग समेत अवरुद्घ भएको थियो । सोही पहिरोले स्थानीय सुशील भट्टचन र युवराज केसीको घरमा पनि क्षति पुगेको छ।
सिर्जना माध्यमिक विद्यालय, नागडाँडाहुँदै कार्कीको तहरा जाने ग्रामीण सडक, लेवाडे जौघरे सिरान घुम्तीको मुक्तिराम दाहालको धानखेत, छवि स्मृति ग्रामिण सडक एवं ठालेमेला, बगर र जन्मनजयको ढुङ्गा आसपासको जग्गामा समेत क्षति पुर्याएको बताइएको छ ।
वर्षाले अन्नपूर्ण २ अन्तर्गत सेराचौर दलित वस्ती हुँदै दीपको डिल जोड्ने पैदलमार्गको करिब २० मिटर सिढी बगाएको छ ।
त्यस्तै, ठूलाचौर ग्रामीण सडकमा क्षति पुगेको छ । वर्षाले वडा २, प्याउदीकी जमूना दाहालको परिवारलाई गत साउनको अन्त्यमा विस्थापित पनि गराएको थियो ।
अन्नपूर्ण–३, पाउँदुरकोटका मुक्ति पौडेलको घरमा समेत वर्षाले क्षति पुगेको छ।
वर्षाका कारण गाउँपालिकाभर ३ करोड रुपैयाँ हाराहारीका क्षति पुगेको गाउँपालिका अध्यक्ष युवराज कुँवरले जानकारी दिए। उनले बढी मात्रामा वडा १ र २ मा क्षति भएको बताए।
Related News
सम्बन्धित समाचार
कामचलाउ मुख्यमन्त्री अधिकारी विश्वासको मत लिने तयारीमा
बजेटमाथि बहुवर्षे योजनाको चाप : दायित्व पौने १६ अर्ब
गण्डकीको वर्ष ८० : प्रदेश तहमाथि प्रश्न थपिएको वर्ष
खगराज अधिकारी : पहिला १२ बाट ७ मा झारे, अहिले उनैले सत्तामा टिक्न मन्त्रालय फुटाए
जिल्ला अध्यक्षमा हारेका अधिकारी मुख्य न्यायाधिवक्ता
hero news full width
मुख्य समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१