सहयोगी सांसद राजीव

आदर्श समाज सम्वाददाता
भाद्र २५, २०७७

पोखरा । गण्डकी प्रदेशसभा सदस्य राजीव गुरुङ (दीपक मनाङ्गे) ले कोभिड–१९ का बन्दाबन्दी हुँदा हातमुख जोर्न समस्या पर्नेहरुलाई सहयोग गर्दैआएकोमा ढोरपाटन नगरपालिकाकोे दैवीप्रकोप राहत कोषमा समेत आर्थिक सहयोग गरेका छन् । उनले सो कोषमा ५० हजार रुपैयाँ आर्थिक सहयोग गरेका हुन् ।

भदौ १७ मा ढोरपाटनको भुजीखोलाको बाढीले घरबारविहीन परिवारको पुनस्र्थापनामा सहयोग पु¥याउनको लागि उनले सो रकम सहयोग गरेको बताए ।

सो रकम प्रतिनिधि योगेश भण्डारीले नगरप्रमुख देवकुमार नेपाली, उपप्रमुख करमती पुन तथा प्रमुख प्रशासकीय अधिकृत धनप्रसाद पोखरेललाई हस्तान्तरण गरेका थिए ।

राहत रकम बुझ्दै नगर प्रमुख देवकुमार नेपालीले तत्कालको लागि खाद्यसामग्री, लत्ताकपडा धेरै संघसंस्थाबाट प्राप्त भएकोले सकेसम्म राहत कोषमा आर्थिक सहयोग जुटाउने अभियानमा आफुहरु लागेको जानकारी गराएका थिए ।
सांसद गुरुङको सहयोगले शोकलाई शक्तिमा बदल्न सहयोग मिलेको नगरप्रमुख नेपालीले बताए ।

सांसद राजीव गुरुङले मनाङ ‘ख’ बाट चुनाव जितेर गण्डकी प्रदेशमा प्रतिनिधित्व गरेका हुन् ।