चारभञ्ज्याङ तमु समाजलाई सहयोग

आदर्श समाज सम्वाददाता
भाद्र २५, २०७७

पोखरा । चारभञ्ज्याङ तमु समाज पोखरालाई लामा हित गुरुङले सहयोग गरेका छन्।

युके भ्रमण गरी नेपाल फर्केका पोखरा–८, बगालेटोलस्थि त्रिरत्न गुम्बाका प्रमुख लामालाई स्वागतक्रममा उनले ५० हजार १० रुपैया समाजलाई सहयोग गरेका हुन्।

लामाले चारभञ्ज्याङ तमु समाजका अध्यक्ष प्रदीप गुरुङ, आमा समिति अध्यक्ष डम्बरकुमारी तमु र समाजका कोषाध्यक्ष क्या.ठाकुरप्रसाद गुरुङलाई रकम हस्तान्तरण गर्दै आफ्नो तीनपुस्तादेखि पुस्तौली सम्बन्ध रहेको चारभञ्ज्याङ तमु समाजलाई शुभलाभसहित सहयोग गर्न अवसर पाउनु शौभाग्यशाली ठानेको बताए।

कोभिड–१९ महामारीबीच युके बसाइँमा पनि आफ्नो गाउँलेहरु, आफन्तजन, इष्टमित्र र चारभञ्ज्याङबासीको ठूलो माया प्राप्त गरेको उनले बताए। उनलाई चारभञ्ज्याङ तमु समाजमा अध्यक्ष प्रदिपकुमार गुरुङ, संस्थापक अध्यक्ष तथा समाजका प्रमुख सल्लाहकार पुरनधोज गुरुङ, आमा समिति अध्यक्ष डम्बरकुमारी तमुले खादा, भाङ्ग्रा र बुकेद्धारा स्वागत सम्मान गर ।