गण्डकीमा ४९ संक्रमित, १९ जना पोखराका

आदर्श समाज सम्वाददाता
भाद्र २५, २०७७
covid 19 corona banner

पोखरा, २५ भदौ । गण्डकी प्रदेशमा थप ४९ जनामा कोरोना संक्रमण पुष्टि भएको छ ।

स्वास्थ्य निर्देशनालय गण्डकीले जारी गरेको विज्ञप्तिमा कास्कीका १९ जना छन् । त्यस्तै बागलुङमा ९, तनहुँमा ३, स्याङ्जामा १२, नवलपुरमा ५ र पर्वतमा १ जना रहेका छन् ।

संक्रमित मध्ये पोखरा–१५ की २३ वर्षीय महिला पश्चिमाञ्चल सामुदायिक अस्पतालमा कार्यरत स्टाफनर्स हुन् भने पोखरा–३२ का ५० वर्षीय पुरुष सोहि अस्पतालमा उपचाररत हुन् । पोखरा–१९ का २२ वर्षीय पुरुष पोखरामा र पर्वतका २८ वर्षीय पुरुष कुश्मा, पर्बतमा प्रहरीमा कार्यरत रहेका छन् । बाग्लुङ जैमिनीका ५१ बर्षीय महिला पोखराकोे फेवासिटी अस्पतालमा उपचाररत छन् ।

कास्कीका सबै संक्रमित पोखरा महानगरपालिकाका हुन् । बागलुङका जैमिनी, बरेङ र गलकोट, तनहुँका भिमाद र स्याङ्जाका पुतलीबजारका हुन् । त्यस्तै नवलपुरका कावासोती र देवचुलीका रहेका छन् भने पर्वतका संक्रमितको पालिका खुलेको छैन ।

संक्रमित सबैलाई आइसोलेसनमा लैजाने तयारी भैरहेको निर्देशनालयले जनाएको छ । प्रदेशमा कोरोना संक्रमितको संख्या २ हजार ७ सय २८ पुगेको छ ।

Related News

सम्बन्धित समाचार

hero news full width