वडा ११ को भवन उद्घाटन

Avatar आदर्श समाज सम्वाददाता
भाद्र २३, २०७७

पोखरा । प्रमुख अतिथि महानगरपालिका प्रमुख मानबहादुर जिसीले कार्यालय भवन उद्घाटन गरे ।

उनले सुविधासम्पन्न भवनबाट सुशासन कायम हुने विश्वास व्यक्त गर्दै अब महानगरपालिका धाउनु नपर्ने गरी सम्पूर्ण अधिकार वडालाई दिएको जानकारी दिए ।

साथै कुनै पनि विरोधाभाष नभै समय सीमाभित्र भवन निर्माण भएकोमा वडा बासीलाई धन्यवाद समेत दिए ।

वडाध्यक्ष मोहनप्रसाद बास्तोलाको अध्यक्षतामा भएको कार्यक्रममा उपमेयर मञ्जुदेवी गुरूङ, पोखरा–१९ का अध्यक्ष एवं महानगरका सचेतक शोभामोहन पौडेल लगायतले शुभकामना मन्तव्य व्यक्त गरेका थिए ।

नवनिर्मित भवन अपाङ्गमैत्री हुनुका साथै विद्युतीय भर्‍याङसहितको व्यवस्था हुने गरी करीब ३ करोडको लगानीमा निर्माण गरिएको हो । भवन १६ रोपनी जग्गा क्षेत्रफलमा बनेको वडा अध्यक्ष बास्तोलाले जानकारी दिए ।

कार्यक्रममा हालै वडा बाट सरूवा भई गएका वडासचिव सूर्यमोहन पौडेललाई बिदाइ समेत गरिएको थियो । कार्यक्रममा स्वागत मन्तब्य वडासदस्य तीर्थकुमारी गुरुङ र सञ्चालन सचिव देवान श्रेष्ठले गरेका थिए ।