पोखरा । विश्व नम्बर एक नोभाक जोकोभिच युएस ओपन टेनिसको अन्तिम १६ मा स्थान बनाएका छन् ।
सर्वियाका ३३ वर्षीय जोकोभिचले जान लेनार्ड स्ट्रफमाथि सहज विजय हासिल गर्दै युएस ओपनको अन्तिम १६ स्थान बनाएका हुन् ।
जोकोभिचले अर्थर एशे रंगशालामा जर्मनीका २८ औं वरीयाताप्राप्त लेनार्ड स्ट्रफलाई ६–३, ६–३, ६–१ को सेटमा हराएका हुन् । १८ औं ग्राण्ड स्लामको उपाधि जित्ने लक्ष्यमा रहेका जोकोभिच २०२० मा अपराजित रहेका छन् । जोकोभिचले अब स्पेनका २० औं वरीयाताप्राप्त पाब्लो कारेनो बुस्टासँग प्रतिस्पर्धा गर्नेछन् ।
जोकोभिचको चौथो चरणका प्रतिद्वन्द्वी कारेनो बुस्टाले पनि लिथुनियाका रिकार्डस बेरानकिसलाई सोझो सेटमा हराउँदै चौथो चरणमा स्थान बनाएका हुन् । कारेनो बुस्टाले बेनानकिसलाई ६–४, ६–३, ६–२ को सेटमा हराएका थिए ।
जर्मनीका एलेक्जेन्डर जेभेरेभले युएस ओपन टेनिसको चौथो चरणमा स्थान बनाएका छन् ।
झन्डै तीन घन्टा ढिला गरी शुरू भएको खेलमा पाँचौं वरीयताका जेभेरेभले एड्रियन मन्नारिनोलाई ३–१ को सेटमा हराउँदै युएस ओपनको चौथो चरणमा स्थान बनाएका हुन् । जेभेरेभले मन्नारिनोलाई ७–६ (७ र ४), ४–६, २–६, २–६ को सेटमा पराजित गरे ।
लुइस आर्मस्ट्रङ रंगशालामा ३२ औं वरीयताका मन्नारिनोमाथि विजय हासिल गर्न जेभेरेभलाई २ घण्टा ५२ मिनेट समय लागेको थियो । बोनोइट पाइरे कोरोना भारइस संक्रमित भएपछि मन्नारिनोसहित सात खेलाडीलाई थप स्वास्थ्य सुरक्षा निगरानीमा राखिएको थियो । मन्नारिनोलाई खेल्न दिने कि नदिने भन्ने अन्योलका कारण खेल निर्धारित समयभन्दा २ घन्टा ४५ मिनेट ढिला गरी शुरू भएको थियो ।
अन्ततः न्युयोर्क सिटीका अधिकारीहरूले मन्नारिनोलाई खेल्न दिने निर्णय गरेको थियो । प्रतियोगिताबाट बाहिरिए पनि मन्नारिनो घर जान भने नपाउने भएका छन् । उनी न्यूयोर्कमै होटलको कोठामा एक हप्ता क्वारेन्टिनमा बस्नु पर्नेछ ।
जेभेरेभले भने अब क्वार्टरफाइनल प्रवेशका लागि स्पेनका अलेजेन्ड्रो डेभिडोविच फोकिनाविरुद्ध प्रतिस्पर्धा गर्नेछन् । फोकिनाले बेलायतका क्यामरोन नोरीलाई ७–६ (७ र २), ४–६, ६–२, ६–१ को सेटमा हराएका थिए ।
त्यस्तै, सातौं वरियताप्राप्त बेल्जियमका डेबिड गोफिनले सर्वियाका फिलिप क्रजिनोभिचलाई ६–१, ७–६ (७ र ५), ६–४ को सेटमा हराउँदै अन्तिम १६ मा स्थान बनाए । गोफिनले अब डेनिस शापोभालोबविरुद्ध प्रतिस्पर्धा गर्नेछन् । शापोभालोबले टेलर फ्रिट्जलाई ३–६, ६–३, ४–६, ७–६ (७ र ५), ६–२ को सेटमा हराएका थिए ।
जापानी स्टार नाओमी ओसाकाले युएस ओपनको चौथो चरणमा स्थान बनाउन कठिन जित निकालिन् । ओसाकाले बिहीबार राति मार्टा कोसट्युकसँग संघर्षपूर्ण जित निकालेकी हुन् ।
युएस ओपन २०१८ की विजेता ओसाकाले युक्रेनकी कोसट्युकलाई पराजित गर्न ३ सेट खेल्नुपरेको थियो । चौथो वरीयताप्राप्त ओसाकाले १८ वर्षीया कोसट्युकलाई ६–३, ६–७ (४ र ७), ६–२ को सेटमा हराइन् ।
ह्यामस्ट्रिङ चोटमुक्त भएर फर्किएपनि ओसाकाले बायाँ खुट्टाका अझै भारी ‘टेप’ लगाएर खेलेकी थिइन् । आफूले शतप्रतिशत दिन नसकेपनि तर के स्पष्ट पार्न चाहन्छु भने प्रतिस्पर्धामा आफू फिट भएरै खेल्न आएको ओसाकाले खेलपछि स्पष्ट पारेकी छिन् ।
जापानी स्टार २२ वर्षीया ओसाकाले अब चौथो चरणमा १४ औं वरियताकी एनेट कोन्टाभिएटसँग प्रतिस्पर्धा गर्नेछिन् । १४ औं वरीयताकी कोन्टाभिएटले पोल्यान्डकी मागडा लिनेटलाई सोझो सेटमा पराजित गरेर चौथो चरणमा स्थान बनाएकी हुन् । कोन्टाभिएटले लिनेटलाई ६–३, ६–२ को सेटमा हराइन् ।
त्यस्तै, महिलातर्फको युएस ओपनमा अर्की १७ औं वरियताकी एन्जेलिक केरबेरले आन लीलाई ६–३, ६–४ को सेटमा हराउँदै चौथो चरणमा स्थान बनाइन् । केरबेरले अब अमेरिकाकी २८ औं वरियताप्राप्त जेनिफर बार्डेसँग प्रतिस्पर्धा गर्नेछिन् । बार्डेले फ्रान्सकी क्यारोलिन गार्सियालाई ६–३, ६–३ को सोझो सेटमा पराजित गरेकी थिइन् ।
Related News
सम्बन्धित समाचार
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
hero news full width
मुख्य समाचार
लोकतन्त्रका १८ वर्ष : लोकतन्त्रले छोएन लोकलाई
कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१गण्डकी सरकार विरुद्धको रिट सपना र सारंगाको बेन्चमा
वैशाख १०, २०८१मुग्लिन–पोखरा सडक विस्तार : म्याद सकियो, काम अधुरै
वैशाख १०, २०८१