निषेधाज्ञा जारी गरिएको क्षेत्रमा खाद्यान्न भन्दै लुकाई छिपाई मदिरा सप्लायर्सको काम गर्ने तनहुँका एक व्यापारीलाई शनिबार प्रहरीले नियन्त्रणमा लिएको छ ।
जिल्लाको बन्दीपुर– १ डुम्रेस्थित भट्ट किराना पसलका संञ्चालक नन्दलाल भट्टलाई सवारी साधनसहित भानु नगरपालिका–१३ चन्द्रावतीबाट नियन्त्रणमा लिएको हो ।
भानु नगरपालिकामा कोरोनाको संक्रमण समुदायस्तरमा फैलिएको र अझै पनि जोखिम कायमै रहेको भन्दै सरकारले यही भदौ १ गते देखि निषेधाज्ञा गरेको छ ।
निषेधाज्ञा जारी गरे समय अवधिमा आफ्नो सवारी साधनमा अत्यावश्यक खाद्यान्न बोकेर गाउँ, गाउँमा पु¥याउने भन्दै डुम्रेबाट गाडीको तल्लो भागमा मदिरा लुकाएर बेच्न लैजाने क्रममा प्रहरीले पक्राउ गरेको हो ।
खाद्यान्न ओसारपसारमा सक्रिय रहेका उनको गोप्य सूचनाको आधारमा नियन्त्रणमा लिइएको जिल्ला प्रहरी कार्यालय तनहँुले जनाएको छ ।
नियन्त्रणमा लिएको गाडी र व्यापारीलाई इलाका प्रहरी कार्यालय भानुमुकाम डुम्रे पठाइएको प्रहरीले जनाएको छ ।
यसअघि पनि भट्टलाई यस्तै प्रकरणमा प्रहरीले नियन्त्रणमा लिएको थियो । पहिलोपटक भएका कारण स्थानीय टोल विकास र वडाको रोहबरमा सामान्य कारबाही गरी अब आइन्दा यस्तो गल्ती नगर्ने शर्तमा छोडिएको थियोे ।
कानुनी कारबाहीको लागि जिल्ला प्रशासन कार्यालय दमौलीमा पठाइने तयारी भैरहेको प्रहरीले जनाएको छ ।
Related News
सम्बन्धित समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
सुनौली–मुक्तिनाथ धार्मिक मार्ग यात्रा सुरू
‘वन्यजन्तु संरक्षणमार्फत पर्यापर्यटन बढाऔं’
कथा सुन्न भक्तजनको आकर्षण
कन्या क्याम्पसमा प्राध्यापकको बिदाइ
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१