दमौली । भानु नगरपालिकाका एक कर्मचारीको कोरोना रिपोर्ट नेगेटिभ आए तापनि उनलाई सामाजिक बहिष्कार गरिएको छ ।
ओभरसियर सञ्जीव अधिकारीको १० दिनअघि कोरोना परीक्षणमा रिपोर्ट नेगेटिभ (कोरोना नभएको पुष्टि) आएको थियो । तर उनीसँगै काम गर्ने अर्का इञ्जिनियरलाई संक्रमण देखा पर्यो ।
त्यसपछि अधिकारी भानु नगरपालिका वडा ११ स्थित आफ्नो दिदी अञ्जना अधिकारी पौडेलको धन्सारमा गएर छुट्टै बस्दै आए । नमुना रिपोर्ट नेगेटिभ आए पनि उनले विभिन्न स्वास्थ्य मापदण्ड पालना गर्दै क्वारेन्टि बस्दै आएका थिए । वडा ११ का टोलवासीले भनआफ्नो घरमा नबसेर दिदीकोमा बस्न आयो भन्दै विरोध जनाएका हुन् ।
संक्रमितको सम्पर्कमा आएको र उनीमाथि पनि संक्रमण हुन सक्ने भन्दै स्थानीयले उनकी दिदी अञ्जनासहित परिवारका अन्य सदस्यलाई पनि घरबाहिर ननिस्कन उर्दी जारी गरेका छन् ।
सरकारको कोरोना परीक्षणप्रति आशंका गर्दै टोलका एक जना व्यक्तिले नाम नभन्ने शर्तमा भने, ‘सरकारी रिपोर्टको के भर, आफनै घरमा बस्नु पर्छ । नत्र हाम्रो टोलमा आएर कोरोना सार्न पाइँदैन ।’
यता, अधिकारीले भने आफूहरु पढेलेखेकै भएको र रिपोर्ट नेगेटिभ आए पनि सुरक्षित बसिरहेको बेला समाजले नै भ्रम फैलाएर मानसिक तनाव दिने काम भएको गुनासो गरे । उनले भने, “रिपोर्ट नेगेटिभ आएको छ । तैपनि सुरक्षित बसेको छु । आवश्यक सचेतनाबिना सामाजिक बहिष्कार भयो ।’
यसैबीच, अफवाह फैलाउनेहरुमाथि कारवाही हुनुपर्ने उनको माग छ । कतिपयले भने वडाध्यक्ष तारानरेश पौडेल र टोल विकास संस्थाका अध्यक्षको नेतृत्वमा सञ्जीव परिवारलाई नजरबन्दमा राखेको आरोप लगाएका छन् ।
केही दिनअघिको नमुना परीक्षणमा सञ्जीवसँगै नगर प्रमुख वडाध्यक्ष लगायतको नेगेटिभ रिपोर्ट आएको थियो । तर कर्मचारी सञ्जीव र उनको परिवारलाई मात्र नजरबन्दमा राख्नु अमानवीय भएको भन्दै व्यापक विरोध समेत भएका छन् ।
पीसीआर रिपोर्ट नेगेटिभ आउँदा पनि घर बाहिर समेत निस्कन नदिएको भन्दै अमानवीय व्यवहार भएको हुँदा दोषीहरूलाई कारवाही गर्न माग गर्दै जिल्ला प्रशासन कार्यालयमा उजुरी समेत परेको छ ।
यसैबीच, प्रशासन कार्यालयमा बिहीबार ज्ञापनपत्र बुझाउँदै स्वास्थ्यकर्मीले कोरोना रिपोर्ट नेगेटिभ आएको व्यक्ति र स्वास्थ्यकर्मी अञ्जनाको परिवारप्रति भएको दुव्यर्वहारको खेद प्रकट गर्दै दोषीलाई तत्काल कारबाही गर्न माग गरेका छन् ।
सो घटनामा संलग्र टोल सुधारका अध्यक्ष अधिकारी र वडाध्यक्ष पौडेललाई कारबाही नगरे काम ठप्प पारी आन्दोलनमा उत्रने चेतावनी दिएका छन् ।
भानु नगरपालिका जनस्वास्थ्य निरीक्षक शिवराज मिश्रले कोरोना महामारीको बेला निःस्वार्थ स्वास्थ्य क्षेत्रमा खटिरहँदा स्वास्थ्यकर्मी भएको दुव्यर्वहार घटनामा आपत्तिजनक रहेको बताए ।
यता, वडाध्यक्ष पौडेल भने आफूमाथि लागेको आरोप असत्य रहेको बताउँछन् । उनले सञ्जीवसँगै काम गर्ने, बस्ने इञ्जिनियरलाई कोरोना पोजेटिभ पुष्टि भएपछि सुरक्षित ढंगले बस्नू भनिएको तर नजरबन्द गर्ने काम नगरिएको दाबी गरे । उनले भने, “आफू र टोल विकास संस्थाबाट सामाजिक बहिष्कार गर्ने तथा नजरबन्द गर्ने काम गरिएको छैन । सुरक्षित बस्न भनिएकोमात्र हो ।’
कोरोना लाग्दैमा मानिसको मृत्यु हुँदैन । कोरोनाविरुद्ध आवश्यक मापदण्ड पालना गर्न सके यो रोग लाग्नबाट जोगिन सकिने स्वास्थ्य तथा जनसंख्या मन्त्रालयले जनाएको छ ।
कावासोतीमा संक्रमितको परिवार शरणमा
कोरोना संक्रमित परिवारलाई घरबेटीले भाडामा बस्न नदिएपछि आफन्तकोमा शरण लिन पुगेका छन् ।
कावासोतीमा अचेल समुदायस्तरमै संक्रमित देखिन थालेपछि बढ्दो त्रासबीच संक्रमितको परिवार बिचल्लीमा परेको हो ।
कावासोती वडा १७ घर भई कावासोती वडा ८ मा भाडामा बसी व्यापार गर्दै आएको एक परिवारको श्रीमान्लाई हालै कोरोना पुष्टि भयो ।
परिवारकै घरमुलीलाई कोरोना देखिएपछि उनलाई रजहरको प्राकृतिक चिकित्सालयमा उपचारार्थ लगियो । तर यता उनको परिवारका श्रीमती र २ छोरीहरुलाई घरबेटीले भाडामा बस्न दिएनन् ।
भाडामा बस्न नदिएपछि उनीहरु संक्रमितकै भाइको घरमा शरण लिन पुगेका हुन् ।
घरबेटी दीपक लम्सालले अन्य मान्छे लगाएर मानसिक यातना दिन थालेपछि बाध्य भएर भाइकोमा शरण लिन पुगेको संक्रमितको परिवारका सदस्यले गुनासो गरे । जिल्लामा हाल २९ जना सक्रिय संक्रमित छन् ।
Related News
सम्बन्धित समाचार
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
गण्डकी प्रदेश सभाको अधिवेशन आह्वान
hero news full width
मुख्य समाचार
गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१फेरि बढ्यो पेट्रोल, डिजेल र मट्टितेलको भाउ
वैशाख ३, २०८१अन्नपूर्ण क्षेत्रमा भित्रिए ९ महिनामा १ लाख ४४ हजार पर्यटक
वैशाख ३, २०८१