पोखरा । महिला फुटबलको फिफा वरीयतामा नेपाल ९९ औं स्थानमा उही ९९ औं स्थानमै कायम रहेको छ ।

विश्व फुटबल महासंघ (फिफा)ले सार्वजनिक गरेको महिलातर्फको वरीयतामा नेपाल साविककै ९९ औँ स्थानमा यथावत रहेको हो ।

पछिल्लोपटक कोरोना भाइरसका कारण अन्तर्राष्ट्रिय खेल नहुँदा कुनैपनि फिफा वरीयतामा समेत कुदै फेरबदल भएको छैन । कोरोना भाइरसको प्रभाव फिफा वरीयतामा समेत परेको हो । पछिल्लो पाँच महिनादेखि फिफाको वरीयता एकनास रहेको पाइएको छ । एशियाली देशतर्फ नेपाल २१ औँ स्थानमा छ । दक्षिण एशियाली देशको वरीयतामा नेपालको स्थान दोस्रो छ ।

फिफा वरीयतामा दक्षिण एशियाली देश भारत ५५ औँ, बंगलादेश १३४ औँ, श्रीलंका १४० औँ, माल्दिभ्स १४२ औँ तथा भुटान १५४ औँ स्थानमा छन् । विश्व वरीयतामा अमेरिका पहिलो, जर्मनी दोस्रो, फ्रान्स तेस्रो, नेदरल्यान्ड्स चौथो, स्विडेन पाँचौँ, इङ्ल्यान्ड छैटौँ, अष्ट्रेलिया सातौँ, ब्राजिल आठौँ, क्यानडा नवौँ र उत्तर कोरिया १० औँ स्थानमा छन् ।