बागलुङमा एउटै गाउँको छुट्टाछुट्टै पहिरोमा परी तीन जनाको मृत्यु

आदर्श समाज सम्वाददाता
श्रावण ३१, २०७७
dead-body-1_3199456_835x547-m

पोखरा, ३१ साउन । बागलुङ जिल्लाको निसीखोला गाउँपालिका–५ कारीगाउँमा शनिबार बिहान २.०० बजे पहिरोले घर पुर्दा दुई बालकको मृत्यु भएको छ ।

शनिबार बिहान २.०० वजे हिराबहादुर बिकको घर पहिरोले पुरिँदा उनका १४ वर्षीय छोरा वीरेन्द्र बिक र सोही गाउँपालिका–५ निवासी उनका नाती (छोरीका छोरा) ६ वर्षीय प्रवेश बिकको मृत्यु भएको जिल्ला प्रहरी कार्यालय बागलुङले जानकारी दिएको छ । मामाघरमा बस्न आएका प्रवेश शुक्रबार राति मामासँग छुट्टै कोठामा सुतेका थिए। उनीहरुको शव बिहान ६.०० बजे प्रहरी र स्थानीयले पुरिएको स्थानबाट बाहिर निकालेका थिए ।

पहिरोले घरपुर्दा हिराबहादुरकी पत्नी ५३ वर्षीया दिलसरा बिक घाइते भएकी छन् । उनको अवस्था भने सामान्य छ । उनको दाहिने हात र शरिरका विभिन्न भागमा चोट रहेको प्रहरीले जानकारी दिएको छ । घरका अन्य तीन सदस्य भने सकुशल रहेको जानकारी बागलुङ प्रहरीले दिएको छ । घाइते दिलसरालाई उपचारको लागि झिवाखोला स्वास्थ चौकी लगिएको प्रहरीले जनाएको छ ।

त्यसैगरी बागलुङकै निसीखोला गाउँपालिका–३ धारखर्कमा शनिबार बिहान ३.०० बजे छुच्चे कामीको घर पहिरोले पुर्दा उनकी पत्नी ६० वर्षीया बली बिकको मृत्यु भएको छ । राति सुतिरहेको अवस्थामा घरमाथिबाट आएको पहिरोले पुरेको थियो । उनको शव स्थानीयले पहिरोबाट शनिवार बिहान ७.३० बजे निकालेका थिए । घरका रहेका अन्य सदस्य भने सकुशल रहेको बागलुङ प्रहरीले जनाएको छ ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width