पोखरा महानगरपालिका–२६ को पैतेडाडाँ पहिरोपीडितलाई कास्की आदर्श समाज अन्तर्राष्ट्रिय समन्वय परिषद् नेपाल राष्ट्रिय समिति स्पेनले आर्थिक सहयोग गरेको छ ।

असार २६ गते वर्षासगै आएको पहिरोमा परी ज्यान गुमाएका दुर्गाबहादुर विकका छोराछोरीको शिक्षामा सहयोग पुगोस् भनेर समितिले सुक्रवार एक कार्यक्रमक बीच नगद २५ हजार आर्थिक सहयोग गरेको हो ।

पोखरा–२६ का वडा अध्यक्ष नारायणप्रसाद वरालले स्वर्गीय विककी श्रीमती विमला विकलाई उक्त रकम हस्तान्तरण गरे ।

वडाअध्यक्ष बरालले पहिरोपीडितका समस्याप्रति आफू जिम्मेवारपुर्वक प्रदेश र संघिय सरकार समक्ष आवाज उठाई रहेको र व्यवस्थित बसोबासका लागि सुरक्षित ठाँउको खोजी भइरहेको बताएका थिए ।

कार्यक्रममा कास्की आदर्श समाज अन्तर्राष्ट्रिय समन्वय परिषद् नेपाल राष्ट्रिय समितिका उपाध्यक्ष तिलकशाली सापकोटा, नेपाल च्याप्टरका संयोजक शोभाखर भण्डारी, समन्वय परिषद्का प्रतिनिधि शिवकुमार लामिछाने र पीडित परिवारका तर्फबाट गोविन्द परियारलगायतले पहिरोका कारण विस्थापित ७२ घरधुरीको परिवार विचल्लीमा परेकाले जति सक्दो चाडो पीडित परिवारलाई वसोवासको व्यवस्था राज्यले गराइदिनु पर्ने माग राखेका थिए ।