तानसेन । तानसेनमा बिहीबार २०२ औं भगवती जात्रा निकालियो । कोभिड–१९ जोखिमका कारण यसपटक भने भगवती जात्रा औपचारिकतामै सीमित भयो ।
कोरोना कहरले जात्रा पर्व गर्न रोक लगाएको बेला पाल्पाको भगवती जात्रा मन्दिर परिसरमै गरेर परम्परालाई जोगाइएको छ । विसं. १९७१ देखि १८७२ सम्मको अंग्रेजसँगको युद्धमा नेपाली सेनाले जितगढी क्षेत्रमा विजय प्राप्त गरेको सम्झनास्वरुप विसं. १८७६ देखि भगवती रथयात्राको रूपमा विजयउत्सव मनाउन थालिएको हो ।
वीरता, राष्ट्रियता र देशभक्तिसँग जोडिएको २०२ औं भगवतीजात्रा यसपटक भने मन्दिर परिसरमै मनाइयो । राष्ट्रिय महत्त्व बोकेको जात्रा भएकोले प्रदेश ५ सरकारले पाल्पामा सार्वजनिक बिदा दियो ।
जात्रा दिउँसो १२ बजेको साइतमा भगवती मन्दिर वरीपरि घुमाइएको थियो । बुधबार श्री ७ रणउजिरेश्वरी भगवतीलाई सिंदूर, अबिर र केशरीसशित अन्य वैदिक पूजा पाठ गरिएको रण उजिरेश्वरी भवगती गुठीका अध्यक्ष राजेश्वर उदयले जानकारी दिए ।
उदयका अनुसार व्यवस्थापन समिति, पुजारी, नेपाली सेना, प्रहरी, सशस्त्र प्रहरीको जात्रामा दूरी कायम गरी सहभागिता थियो । भगवतीको रथलाई ३ पटक मन्दिरको परिक्रमा गराई दिउँसो सलामी दिइएको थियो । तत्कालीन कर्णेल उजिरसिंह थापाको कमाण्डमा नेपाली सेनाले जितगढी नुवाकोट युद्धमा विजयी प्राप्त गरेको थियो ।
पाल्पाका तत्कालीन तैनाथवाला कर्णेल उजिरसिंह थापाले ब्रिटिस साम्राज्यवादीको आक्रमणबाट नेपाललाई जोगाउन आराध्यादेवी भगवतीको आराधना र भाकल गरी विजय प्राप्त गरेको विश्वासमा सिंदूर यात्रासहित प्रत्येक वर्ष भाद्र कृष्ण नवमीका दिन तानसेनमा भगवती जात्रा निकालिन्छ ।
Related News
सम्बन्धित समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
सुनौली–मुक्तिनाथ धार्मिक मार्ग यात्रा सुरू
‘वन्यजन्तु संरक्षणमार्फत पर्यापर्यटन बढाऔं’
कथा सुन्न भक्तजनको आकर्षण
कन्या क्याम्पसमा प्राध्यापकको बिदाइ
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१