हेमजामा मास्क वितरण

Avatar आदर्श समाज सम्वाददाता
श्रावण २९, २०७७

हेमजा । अन्तर्राष्ट्रिय युवा दिवस अवसरमा बुधबार लियो क्लब अफ हेमजाले कोरोना सचेतना सन्देश सहित ५ सय मास्क वितरण गरेको छ ।

मिलनचोकमा पैदल यात्रु, यातायात सवार यात्रु तथा चालक र सहचालकलाई कोरोना भाइरस सचेतना सन्देश सहित मास्क वितरण गरिएको क्लबका सचिव एवम् कार्यक्रम संयोजक नीराजन अधिकारीले जानकारी दिए।

उक्त कार्यक्रममा क्लब अध्यक्ष विजय त्रिपाठी सहित सदस्य मनोज त्रिपाठी, निरज अधिकारी,कपिल शर्मा, विजया त्रिपाठी लगायत खटिएका थिए ।

वितरित मास्क स्थानीय राजेश मेडिकल हल, रिया मेडिकल हाल, दीव्यासागर मेडिकल हल र वरदान अनलाइन स्टोरको सौजन्य गरेका हुन् ।

कार्यक्रममा अस्थायी प्रहरी बिट हेमजाले सहजीकरण गरेको थियो।

हाम्रो सुझाव