पाल्पा । बगनासकाली गाउँपालिकाका बालबालिकाको स्थितिसम्बन्धी प्रतिवेदन सार्वजनिक भएको छ । सोमबार गाउँपालिका अध्यक्ष कृष्णप्रसाद बस्याल, उपाध्यक्ष सरस्वती चिदीले संयुक्त रूपमा ‘‘बालबालिका स्थितिसम्बन्धी प्रतिवेदन–२०७७’’ को सार्वजनिक गरेका छन् ।
बालमैत्री स्थानीय शासन कार्यक्रमका फोकलपर्सन मनोज आचार्यका अनुसार बगनासकाली गाउँपालिकामा बालबालिकाको विद्यमान अवस्था, बालअधिकार र बालबालिकाको अवस्था, बालबालिकासम्बन्धी योजना तर्जुमा र कार्यान्वयको अवस्था र बालबालिकासम्बन्धी भएको कार्यहरूको उपलब्धीका विषय स्थिति प्रतिवेदनमा समावेश गरिएको छ ।
यसका साथै बगनासकाली गाउँपालिकामा विभिन्न उमेर समूहका बालबालिकाको जनसंख्या, बालश्रमको अवस्था, सडक बालबालिकाको अवस्था, बाल यौन शोषण र दुव्र्यवहारको अवस्था, अपाङ्गता भएका बालबालिकाको अवस्था, बालबालिकासम्बन्धी घट्नाहरूका अवस्था समेत समेटिएका छन् ।
यस्तैगरी बालअधिकार र बालबालिकाको अवस्था अन्तर्गत बाँच्न पाउने अधिकार, संरक्षणको अधिकार, बाल विकासको अधिकार, बाल सहभागिताको अधिकार, बालबालिकासम्बन्धी योजना तर्जुमा र कार्यान्वयनको अवस्था अन्तर्गत बालबालिकाको लागि स्थानिय विकास योजना, बालबालिकाको लगानी योजना, योजनाको अनुगमन तथा मूल्याङ्कन र साझेदार तथा सहयोगी संस्थाहरूको भूमिकाको अवस्था पनि प्रतिवेदनमा समावेश गरिएको छ ।
गाउँपालिकाका ३७ वटै विद्यालयलाई बालमैत्री विद्यालय घोषणा भइसकेका छन् । बगनासकाली गाउँपालिकाको २०७४ को अन्तिम गाउँसभाको निर्णय अनुसार बालमैत्री स्थानीय शासनका अवधारणा अनुसार गाउँपालिकामा ९५ प्रतिशत काम सकिएको फोकलपर्सन मनोज आचार्यले जानकारी दिए । आचार्यका अनुसार बगनासकाली गाउँपालिकामा मन्त्रालयद्वारा हुने बालमैत्री स्थानीय शासनको अनुगमन र बालमैत्री स्थानीय तह घोषणाको कार्यक्रमबाहेक अन्य निर्धारित कार्यक्रम सम्पन्न भइसकेका छन् ।
Related News
सम्बन्धित समाचार
लायन्स सदस्यलाई मनिपालमा छुट
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
हाम्रो बहुउद्देश्यीयको रक्तदानमा ४६ युनिट संकलन
पशु स्वास्थ्य प्राविधिकलाई अभिमुखीकरण
hero news full width
मुख्य समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१