क्यान्सर पीडित कार्कीलाई सहयोग

Avatar आदर्श समाज सम्वाददाता
श्रावण २५, २०७७

?

पर्वत जिल्ला फलेवास साविक भगँरा-७ बासस्वाँरा कार्कीथर घर भई चितवन भरतपुरस्थित विपी कोइराला मेमोरियल क्यान्सर अस्पतालमा शल्यक्रिया पश्चात उपचारकै क्रममा रहनु भएका क्यान्सर पीडित नरबहादुर कार्कीलाई शनिवार सहयोग हस्तान्तरण गरिएको छ।

भँगराबासीलाई साथ, सहयोग, सुचना आदान प्रदान, सेवा र भँगराको विकासमा सामाजिक सञ्जाल मार्फत सघाउन सकिन्छ कि भनि केही समय अघिदेखि सेवारत विकास मञ्च पर्वत भँगरा, मञ्चकै अनुरोधमा कार्की कुलमन्दिर सयमुरे पर्वत र बैदेशिक रोजगारीको क्रममा दक्षिण कोरियामा रहदा आफ्नो भँगराको सुख दुःख एवम विकासमा टेवा पुर्याउन गठित भँगरा सम्पर्क समिति दक्षिण कोरियाले कार्कीलाई स्वास्थ्यलाभको कामनासहित सहयोग हस्तान्तरण गरेको हो।

क्यान्सर पीडित कार्कीको उपचारमा सघाउन अभियान संचालन गर्नुभएका विकास मञ्च पर्वत भँगराका सञ्चालक सामाजिक अभियन्ता नबिन क्षेत्री, अभियानकी अर्थ संयोजक अनिता कार्की, कार्की कुलमन्दिर सयमुरे पर्वतका प्रतिनीधि युवा व्यवसायी एवम समाजसेवी रुद्र कार्की र भँगरा सम्पर्क समिति दक्षिण कोरियाका संरक्षक हुमबहादुर गुरुङले पोखराबाट उपचाररत कार्कीसँग भेटघाट,  स्वास्थ्य अवस्थाबारे जानकारी लिँदै सहयोग रकम हस्तान्तरण गरेका हुन् ।

हाम्रो सुझाव