गण्डकी प्रदेशमा शनिबार २४ जनामा कोरोना संक्रमण

Avatar आदर्श समाज सम्वाददाता
श्रावण २४, २०७७

पोखरा । गण्डकी प्रदेशमा शनिबार थप २४ जनामा कोरोना पुष्टि भएको छ ।

गण्डकी प्रदेशको स्वास्थ्य निर्देशनालयले शनिबार दिएको जानकारी अनुसार प्रदेशको ४ जिल्लामा थप २४ जनामा कोरोना पोजेटिभ देखिएको हो । नयाँ संक्रमितहरु बाग्लुङका १३ जना, स्याङजाका ७ जना, कास्कीका ३ जना र म्याग्दीका एक जना रहेका छन् । नयाँ संक्रमित सबैलाई सम्बन्धित जिल्लाको आइसोलेसनमा लैजाने तयारी भएको जानकारी गण्डकी प्रदेशका स्वास्थ्य निर्देशक डा. बिनोदविन्दु शर्माले दिए ।
गत २४ घण्टामा क्षयरोग उपचार केन्द्र, पोखरामा कुल ७८२ नमूना परीक्षण भएको छ, जसमा गोरखा ५०, तनहुँ ५१, लमजुङ ६८, स्याङजा १८३, बाग्लुङ ६१, म्याग्दी ५५ र कास्की ३१४ नमूना परीक्षण भएको जानकारी दिइएको छ । पोखरा स्वास्थ्य बिज्ञान प्रतिष्ठानमा गत २४ घन्टामा जम्मा २८ नमूना परीक्षण भएको छ, जसमा सबैको रिपोर्ट नेगेटिभ आएको छ ।

यसैगरी गण्डकी प्रदेशमा कोरोनको संक्रमणबाट निको हुनेको संख्या १४४३ पुगेको छ, जसमा गत २४ घन्टामा स्याङ्जाबाट ३०, म्याग्दीबाट ६, नवलपरासीपूर्वमा २० र लमजुङबाट ४ जना गरि कुल ६० जना व्यक्तिहरु निको भई डिस्चार्ज भएका छन् ।

हाम्रो सुझाव