शिक्षक नियुक्तिमा सेटिङ

आदर्श समाज सम्वाददाता
श्रावण २४, २०७७

नवलपुर । पूर्वी नवलपरासीको कावासोती नगरपालिका १०, मगरकोटस्थित जनता माविले शिक्षक नियुक्तिमा सेटिङ मिलाएको खुलासा भएको छ ।

मावि तह र निमावि तहका लागि १–१ जना राहत शिक्षक आवश्यक परेकोमा विद्यालयका प्रअदेखि नगरपालिकाको शिक्षा शाखासम्म नै सेटिङ मिलाएको स्रोतको दाबी छ । पन्ध्र दिनअघि नै सार्वजनिक सूचना जारी गर्नुपर्ने प्रावधान भए पनि विद्यालयले सूचना लुकाएर आर्थिक प्रलोभनका शिक्षक नियुक्त गर्ने प्रपञ्च रचेको खुलासा भएको छ ।

विद्यालयले साउन ८ को मितिमा लेखेको विज्ञापन शुक्रबार बेलुकामात्रै विद्यालयको सूचना पाटीमा प्रकाशित गरेको थियो । विद्यालयको सूचना पाटीमा समेत सूचना प्रकाशित नभएको र आफूले पटक–पटक विद्यालयमा गई सोध्दा लेखापाल खेमनारायण चापागार्इँले विज्ञापन नखुलेको भन्दै आवेदन बुझ्न नमानेको सुमित्रा लामिछानेले बताइन् ।

कावासोती नगरपालिकाका शिक्षा शाखा अधिकृत छत्रबहादुर भण्डारीले सूचना लुकाएर कोही कसैले पनि शिक्षक छनोट गर्न नमिल्ने बताए । उनले त्यसरी गरिएको छनौट मान्य नहुने पनि स्पष्ट गरे ।

विद्यालय व्यवस्थापन समिति अध्यक्ष नारायण तिमिल्सिनाले सूचना निकालेर प्रक्रियागत रुपमा नै छनोट प्रक्रिया अगाडि बढाइएको दाबी गरे । उनले विद्यालयमा टाँसिएका सूचना कसैले च्यातेको हुन सक्ने तर्क गरे ।

उनले पत्रिकामा समेत सूचना प्रकाशित गरेको दाबी गरेका छन् । उनले मावि तहका लागि ८ जना र निमावि तहका लागि ३ जनाको आवेदन परेको बताए ।

तर सोही विद्यालयका शिक्षकहरु भने विज्ञापन खुला गरिएकोबारे आफूलाई थाहा नभएको बताउँछन् ।

पटक–पटक सम्पर्कको प्रयासमा प्रअ गोपाल लम्सालले भने सम्पर्कमा आउन चाहेनन् ।

Related News

सम्बन्धित समाचार

  • प्रतिभामा सिमसार बहस गर्दै विद्यार्थी

    आदर्श समाज सम्वाददाता माघ २८, २०८१
    पोखरा । विश्व सिमसार दिवस अवसरमा पोखराको प्रतिभा माविमा जलवायु परिवर्तन, सिमसार क्षेत्रको संरक्षणलगायत विषयमा जनचेतना जगाउने र युवापुस्ताको ध्यानाकर्षण…
  • जरोटुप्पोमा सम जयन्ती र सम्मान

    आदर्श समाज सम्वाददाता माघ २८, २०८१
    पोखरा । जरोटुप्पो संरक्षण साहित्य समाज नेपालले नाट्यसम्राट बालकृष्ण सम जयन्ती विविध कार्यक्रमका साथ मनाएको छ । संस्थाले सोही समारोहबीच…
  • ‘शैक्षिक क्षेत्रबाट प्रहरी कार्यालय हटाऊ’

    आदर्श समाज सम्वाददाता माघ २८, २०८१
    पोखरा । त्रिभुवन विश्वविद्यालय परिसरमा प्रहरी कार्यालय खडा गरिएपछि त्यसको विरोध भएको छ । नेपाल विद्यार्थी संघ त्रिभुवन विश्वविद्यालय समिति,…
  • सराङकोटमा फागुन १४ देखि महायज्ञ हुने

    आदर्श समाज सम्वाददाता माघ २८, २०८१
    पोखरा । धार्मिक पर्यटन क्षेत्रको रुपमा परिचित सराङकोटमा श्रीमद्भागवत ज्ञानमहायज्ञ एवं धार्मिक पर्यटन महोत्सव तयारी तीव्र पारिएको छ । सराङकोटलाई…
  • नमस्ते हस्पिटल १३ औं वर्षमा

    आदर्श समाज सम्वाददाता माघ २८, २०८१
    पोखरा । नमस्ते हस्पिटल एण्ड रिसर्च सेण्टरले १३ औं स्थापना दिवस सोमबार मनाएको छ । दिवस अवसरमा नवनिर्मित अत्याधुनिक भवनसमेत…

hero news full width