पोखरा महानगरपालिका वडा १८ स्थित लभ्लीडाँडाको सरकारी जग्गा ब्यक्तिहरुले अतिक्रमण गर्न थालेका छन् । करिब २ सय रोपनी जग्गा ब्यक्तिले हडपेर संरचना बनाउन थालेका हुन् । सार्वजनिक जग्गामा धमाधम संरचना बनाएको पाइएपछि पोखरा १८ का वडाध्यक्ष रणबहादुर थापा र प्रहरीको टोलीले उनीहरुलाई कामबाट फिर्ता पठाएका छन् ।
सार्वजनिक जग्गामा निर्माण गरिएका छाप्रा, तारजाली लगायतका संरचनाहरु धमाधम बन्न थालेपछि वडाध्यक्ष आफै अघि सरेका हुन् । उनले सम्बन्धित निकायलाई गुहार्दा पनि कुनै चासो नदिएको भन्दै प्रहरी सहयोगमा कामदार फिर्ता पठाइएको बताए । उनले भने, ‘महानगर र जिल्ला प्रशासन कार्यालयमा अतिक्रमणबारे पत्राचार गरेको छु, स्वीकृति पाए ती संरचना डोजर लगाएर भत्काउने छु ।’
महानगरले चालु आर्थिक वर्षलाई सार्वजनिक जग्गा संरक्षण अभियान वर्षका रुपमा घोषणा गरेको छ । सोही अनुुसार वडामा अभियान संचालन गरिरहेको थापाले बताए । तर सार्वजनिक जग्गा भने व्यक्तिको भोगचलनमा छ । आनन्द कोइराला, सन्जीव कोइराला, पुष्पेन्द्रबहादुर कोइराला लगायतले धमाधम संरचना निर्माण गर्न थालेको खुलेको छ । त्यहाँ नयाँ नापी सुरु हुने थाहा पाएपछि उनीहरुले दर्जन हाराहारीमा संरचना बनाएका छन् ।
पहिले पनि सार्वजनिक जग्गा अतिक्रमण गरिएको भन्दै उजुरी परेको थियो । उजुरी माथी छानविन गर्दा त्यो जग्गा सरकारकै नाममा पारिएको छ । ‘सरकारी जग्गा भएको सम्पूर्ण कागजात वडा कार्यालयमा छ । पछि कोइराला परिवारले आफ्नो भोगचलन रहेको भन्दै धमाधम संरचना बनाउन थालेका हुन्,’ वडाध्यक्ष थापा भन्छन्, ‘यसको मुद्धा अदालतमा विचाराधीन छ ।’ पोखरा महानगरपालिका वडा १८ मा मात्रै करिब ७ सय रोपनी सरकारी जग्गा तथ्यांकमा छ । त्यसमा पनि अन्य व्यक्तिहरुले जग्गा अतिक्रमण गर्दै आएको वडाध्यक्ष थापाको आरोप छ ।
जग्गा चर्चिन थालेका पुष्पेन्द्रबहादुर कोइरालाले आफूहरुको पुख्र्यौली जग्गा भएको दावी गरे । ‘हाम्रो पुख्र्यौली जमिन हो । दाजुभाइको झगडाको कारण राज्यले फाइदा लिन खोजेको छ,’ उनले भने । लभ्ली डाँडा पोखराको आकर्षणको केन्द्र हो । यहाँबाट पोखरा बजार एकै नजरमा देख्न सकिन्छ । मर्निङ वाक गर्न यहाँ मानिसहरुको ताँती लाग्छ ।
Related News
सम्बन्धित समाचार
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
रोजगार खोज्दै मेलामा
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
लोकतन्त्रका १८ वर्ष : लोकतन्त्रले छोएन लोकलाई
hero news full width
मुख्य समाचार
कामचलाउ सरकारको आयु लम्बियो
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१कतारी राजा नेपाल आउने दिन भोलि सार्वजनिक बिदा
वैशाख १०, २०८१गण्डकी सरकार विरुद्धको रिट सपना र सारंगाको बेन्चमा
वैशाख १०, २०८१मुग्लिन–पोखरा सडक विस्तार : म्याद सकियो, काम अधुरै
वैशाख १०, २०८१कास्कीका सहकारी पीडित एउटै मोर्चामा : बन्यो संयुक्त संघर्ष समिति
वैशाख १०, २०८१