पोखरा । पोखरा–१३ मियाँपाटनका ६८ वर्षीय अब्दुल रहिम शनिबार बिहानैदेखि व्यस्त थिए । उनको व्यस्तता दोस्रो महान् पर्व बकर इद (इदुल जोहा) कसरी हर्षोल्लासपूर्वक मनाउन सकिन्छ भन्नेमा नै थियो ।
मुस्लिम धर्मावलम्बीको पर्व बकर इद (इदुल जोहा) शनिबारदेखि शुरु भएको छ । यो पर्व ४ दिनसम्म मनाइने गरिन्छ । अघिल्ला वर्षहरुमा पोखरा–१३, मियाँपाटनस्थित मस्जिद पुगेर सामूहिक नमाज पढ्नेको भीड नै लाग्थ्यो तर अहिले कोरोना संक्रमणका कारण मस्जिदमा नमाज पढ्नेको संख्या १२÷१५ जना मात्रा सीमित बन्यो । मियाँपाटनमा ५/७ हजारको संख्यामा मुस्लिम समुदायका सदस्य बसोबास गर्दछन् ।
यतिखेर विश्वभर कोरोना फैलिएकै कारण अघिल्लो वर्षहरुको जस्तो सबै जना मस्जिद र इदगाहमा गई सामूहिक नमाज पढ्न नपाएपनि घरघरमा पढ्ने गरिएको जानकारी अली मियाँ लोकवाङ्मय प्रतिष्ठानका अध्यक्ष एवं मुस्लिम अगुवा हनिफ मियाँले बताए । यस्तै, बकर इद पर्वमा सरकारले बिदा दिनुपर्ने माग पोखराका मुस्लिमहरुको छ ।
इदुल फित्र अर्थात् रमजान पर्वको ७० औँ दिनमा बकर इद मनाउने गरिन्छ । बकर इदका दिन मुस्लिम धर्मावलम्बी बिहानै स्नान गरी नजिकैको मस्जिद वा इदगाहमा गई सामूहिक नमाज पढ्छन् । नमाज पढिसकेपछि आपसमा अङ्कमाल गर्दै शुभकामना आदानप्रदान गरिन्छ । बकर इदको दिन मस्जिद र इदगाहमा मुस्लिम धर्मावलम्बीको भीड लाग्छ । यस वर्ष कोरोना भाइरसको सङ्क्रमण फैलन सक्ने भएकाले मुस्लिम आयोगले शुक्रबार नै विज्ञप्ति जारी गरी घरमै बसेर सुरक्षितरुपमा बकर इद मनाउन आह्वान गरेको थियो ।
हिजरी संवत्अनुसार १४३९ वर्ष पहिले अल्लाहको आदेशमा इब्राहिमले आफ्ना छोरा इस्माएल अलेह सलामलाई बलिदान गर्न तयार भएको सम्झनामा यो पर्व मनाउन थालिएको हो ।
मुस्लिम धर्म गुरु (मौलाना) रहमत अली ऐतिहासिक बकर इद पर्वको आधार बनेका इब्राहिमको वंशमा सन् ५७१ मा मक्कामा मोहम्मद सलल्ला जन्मिइ निरन्तरता दिएको उनले बताए । जसले यो पर्व एवं धर्मलाई पुस्तान्तर गर्न महत्वपूवर्ण योगदान गर्दै हदिस नामक धर्मग्रन्थको रचना गरेका थिए । मक्कामा जन्मिएका सलल्ला ५३ वर्षको उमेरपछि मदिना सरेका थिए ।
‘यही सम्झनामा अहिले पनि साउदी अरबमा पर्ने यी दुवै तीर्थस्थलमा ठूलो मेला लाग्ने गरेको छ,’ अर्का वृद्ध हाजी याकुवदिन मियाँले बताए । यस पर्वमा मक्कामदिना जानु शुभ मानिने भए पनि यस वर्ष कोरोनाका कारण अन्तर्राष्ट्रिय उडानसमेत बन्द हुन गयो । जसका कारण हजयात्री मक्का मदिना जान पाएका छैनन् ।
मक्का मदिना जान नपाएका हजयात्रीले समेत घर घरमै बकर इद मनाउने छन् । मस्जिद, इदगाहलगायत धार्मिकस्थलमा पनि भौतिक दूरी कायम गरेर बकर इद मनाउने गरिन्छ । यस पर्वमा अल्लाहलाई खुसी पार्न मुसलमानले धर्मले जायज मानेका जनावरलाई कुर्बानी (बलि) दिने गर्दछन् ।
धार्मिक मान्यताअनुसार अल्लाहका नवी (दूत) इब्राहिम अलि सलामले ९० वर्षको उमेरमा पत्नी हाजराबाट प्राप्त गरेको सन्तान छोरा इस्माइललाई कुर्बानी गर्नुपर्ने आदेश प्राप्त भयो । जसलाई पालना गर्दा अल्लाह प्रशन्न भएर इस्माइलको कुर्बानी नभएर स्वर्ग(जनन्त) मा पालिएका दुम्बाको कुर्बानी भएको धार्मिक मान्यता छ । यसैकारण अहिलेसम्म कुर्बानी गर्ने प्रचलनलाई कायम राखेको पोखराका मुस्लिम अगुवा ८३ वर्षीय इज्जल अलिले बताए ।
निःसन्तान इब्राहिमले सन्तान प्राप्तिका लागि अल्लाहसँग मनन्त मागेका थिए । अल्लाहले मलाई सन्तानको सुख दियो भने म कुर्बानी गर्छु भन्ने इब्राहिमको प्रतिबद्धता थियो । सोहीअनुरुप अल्लाहले निजको परीक्षणस्वरुप सपनामा कुर्बानी गर्नुपर्छ भनेका थिए भन्ने मुस्लिम धर्मावलम्बीको मान्यता छ ।
उनले धेरै जनावर कुर्बानी गरे तर अल्लाह खुसी भएका थिएनन् । अन्तिममा आफ्ना सबैभन्दा प्यारा छोरालाई नै कुर्बानी गरी अल्लाहलाई राजी गर्न चाहेका थिए । यस घडीमा उनको परीक्षण सफल सावित भएपछि कुर्बानी गर्ने स्थानमा मानिसको होइन त्यही जनन्तमा पालिएर आएका दुम्बाको कुर्बान (बलि) भएको थियो । कुर्बानीको मासु तीन भागमा बाँडी वितरण गरिन्छ । एक भाग गरिब एवं विपन्न परिवारलाई, अर्को एक भाग आफ्ना आफ्ना इष्टमित्रलाई र तेस्रो भाग आफैँले खानुपर्ने मुस्लिम धार्मिक मान्यता छ ।
…………..
पोखरा–१३ मियाँपाटनस्थित मस्जिदमा बकर इद पर्वको दिन शनिबार नमाज पढ्दै मुस्लिम समुदायका सदस्य ।
Related News
सम्बन्धित समाचार
पुस्तक दिवसमा पुस्तक साटासाट
स्वदेश फर्किए कतारी अमिर
अधिकारी सरकारको मुख्य न्यायाधिवक्ता चिरन्जीवी शर्मा !
पोखराको चाउथेमा गएराति स्कुटर दुर्घटनामा एक किशोरीको मृत्यु
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
hero news full width
मुख्य समाचार
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१