काठमाडौं । विश्वमा कोरोना भाइरस संक्रमणको कारण ६ लाख ७७ हजार १८ व्यक्तिको मृत्यु भएको विश्व स्वास्थ्य संगठन (डब्लूएचओ) ले जानकारी दिएको छ ।

शुक्रबारसम्म विश्वभरीमा १ करोड ७४ लाख ८९ हजार ६ सय २३ जना व्यक्ति कोरोना संक्रमित भएका छन् ।

हालसम्म १ करोड ९ लाख ५१ हजार ९ सय ८० व्यक्ति कोरोनामुक्त भएका छन् । विश्वभरमा ५८ लाख ६० हजार ६ सय २५ व्यक्ति कोरोना भाइरस संक्रमित रहेका उनीहरूको उपचार भइरहेको छ । संक्रमितमध्ये ६६ हजार ३ सय ४३ जनाको अवस्था गम्भीर रहेको जनाइएको छ ।

चीनको हुबे प्रान्तको वुहान शहरबाट गत वर्षको डिसेम्बरको अन्त्यबाट शुरु भएको कोरोना भाइरस संक्रमणका कारण अमेरिका सबैभन्दा बढी प्रभावित भएको छ ।

डब्लूएचओका अनुसार संयुक्त राज्य अमेरिकामा मात्र ४६ लाख ३४ हजार ९सय ८५ जना कोरोना भाइरसका संक्रमित रहेका छन् । यस प्रकोपका कारण अमेरिकामा १ लाख ५५ हजार २ सय ८५ व्यक्तिको मृत्यु भइसकेको बताइएको छ ।
दक्षिण अमेरिकामा ४० लाख ३९ हजार ८ सय ७२ जना कोरोना भाइरस सङ्क्रमति रहेका छन् । यहाँ १ लाख ४१ हजार ९ सय ६ जनाको मृत्यु भएको छ ।

उत्तर अमेरिकामा ५४ लाख ३९ हजार ८ सय ४ जना कोरोना भाइरस सङ्क्रमति रहेका छन् । यहाँ २ लाख १६ हजार ९ सय ८८ जनाको मृत्यु भएको छ । युरोपमा २८ लाख ५९ हजार ४ सय ९५ जना कोरोना भाइरस संक्रमित रहेका छन् भने २ लाख ३ हजार ५५ को मृत्यु भएको छ ।

एशियामा ४२ लाख १८ हजार ३ सय ३९ जनामा कोरोना भाइरस संक्रमण रहेको छ भने ९५ हजार ४ सय ६८ जनाको मृत्यु भएको छ ।

अफ्रिकामा ९ लाख १२ हजार ७ सय ४४ जनामा कोरोना भाइरस संक्रमण रहेको छ भने १९ हजार ३ सय ६४ जनाको मृत्यु भएको छ ।

ओसियानामा १८ हजार ६ सय ४८ जनामा कोरोना भाइरस संक्रमण रहेको छ भने २ सय २२ जनाको मृत्यु भएको छ ।

भारतमा ‘कोभिड १९’ संक्रमितको संख्या शुक्रबार साँझसम्म १६ लाख नाघेको छ । (रासस/एएफपी)