विद्यार्थीलाई स्वअध्ययन सामग्री प्रदान

आदर्श समाज सम्वाददाता
श्रावण १५, २०७७
school 18

पोखरा, १५ साउन | कोरोना भाइरसका कारण विद्यालय जान नपाएका विद्यार्थीलाई पोखरा महानगरपालिकाले स्वअध्ययन सामग्री वितरण गरेको छ । पोखरा महानगरपालिकाको शिक्षा महाशाखाले तयार पारेको स्वअध्ययन सामग्री पोखरा वड नम्बर १८ का ९ वटा विद्यालयका विद्यार्थीलाई बुधबार वितरण गरिएको हो ।

शिक्षा महाशाखा प्रमुख हेमप्रसाद आचार्य, वडा नम्बर १८ का अध्यक्ष रणबहादुर थापा, लगायतले स्व अध्ययन सामग्री वितरण गरेका हन् । कक्षा १ देखि १० सम्मका सामुदायिक विद्यालयका विद्यार्थीहरुको लागि गणित, विज्ञान, अंग्रेजी, नेपाली र सामाजिक विषयलाई समेटेर स्वअध्ययन सामग्री तयार परिएको शिक्षा महाशाखाका अधिकृत वसन्त पौडेलले जानकारी दिए । उनका अनुसार विद्यालयमा अध्यापन हुने ९० दिनको कोर्षलाई स्व अध्ययन सामग्रीमा समेटिएको छ ।
वडाध्यक्ष तथा वडा शिक्षा समितिका अध्यक्ष रणबहादुर थापाको अध्यक्षतामा भएको कार्यक्रममा वडा सदस्य भोजकुमारी थापा, वडा शिक्षा समिति सदस्य रामचन्द्र तिमिल्सिना, नेकपाका प्रतिनिधि पुस्कल थापा, नेपाली कांग्रेसका प्रतिनिधि शिवप्रसाद तिमिल्सिना, पोखरा महानगरका प्रमुखका स्वकीय सचिव लक्ष्मण तिमिल्सिना लगायतले स्वअध्ययन सामग्रीको बारेमा बोलेका थिए ।

वैकल्पिक सिकाइ सहजीकरण निर्देशिका २०७७ अनुसार स्व अध्ययन सामग्री तयार गरी अहिलेसम्म ९ वटा वडाका विद्यार्थीहरुलाई वितरण गरिएको शिक्षा महाशाखा प्रमुख आचार्यले जानकारी दिए । उनका अनुसार यसअघि वडा नम्बर २१,२२,२३,२४,२५,२८,३१ र ३३ वडाका विद्यार्थीलाई वितरण गरिएको थियो ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width