पोखरा । केही समयअघि नेपालमा खुब चर्चामा थियो–एमसीसी । अमेरिकाबाट नेपालको यातायात र विद्युत् विकासको क्षेत्रमा लगानी गर्ने गरी एमसीसीको प्रस्ताव थियो । एकाथरीले यसलाई अमेरिकी साम्राज्य विस्तारको रुपमा तर्क गरे भने अर्काथरीले विकासको मेरुदण्डको रुपमा चित्रित गरे । एमसीसी संसदको छलफलमा प्रवेश नै नगरी तुहियो । नेपाल अमेरिकाको मात्रै होइन चीन सरकारको पनि त्यस्तैखाले विकासे सहयोग परियोजनाको सदस्य राष्ट्र हो । बेल्ट एण्ड रोड इनिसियटिभ (बीआरआई) को पक्ष राष्ट्रका रुपमा नेपालले सहमति जनाएको छ । यद्यपि त्यसबाट प्राप्त गर्ने सहयोग भने हालसम्म लिन सकेको छैन ।
बीआरआईमार्फत चीनले आफ्नो आन्तरिक नीतिलाई अन्तर्राष्ट्रियकरण गर्ने प्रयास गरेको विश्लेषकहरु बताउँछन् । पोखरामा बीआरआईको कार्यान्वयनमा कोभिडले पार्न सक्ने प्रभावबारे छलफल भएको छ । नेपाल–चीन दौत्य सम्बन्धको ६५ औं वर्ष अवसरमा बीआरआई कार्यान्वयनबारे छलफल गरिएको हो । नेपाल सरकारकै उदासिनताका कारण उपयुक्त लाभ चीनबाट लिन नसकेको बताउँछन्, नेपाल चीन हिमालयमैत्री समाजका संस्थापक आनन्द पोखरेल । ‘नेपालको सीमा क्षेत्रमा चिनियाँ लगानी न्यून भयो । हिमालको उत्तरपट्टि जुन समृद्धि छ त्यो हिमालको दक्षिणमा पनि ल्याउनुपर्छ भनेर बीआरआईमा समर्थन जनाएको हो,’ उनले भने, ‘यदि यो कार्यान्वयन भयो भने नेपालको गेम चेन्जर हो । विकासको नयाँ ल्याण्डस्केप तयार हुन्छ । तर सरकार कार्यान्वयनमा खासै मतलव राख्दैन ।’
उनले खासगरी नेपाल र चीनको नाका खोल्न र व्यापारिक गतिविधि बढाउन बीआरआई महत्वपूर्ण हुने बताए । ‘७ ठाउँको नाका विशेष रुपमा सञ्चालन गर्ने सहमति छ । तातोपानी, केरुङलाई प्रवद्र्धन गर्ने गरी जोड दिइएको छ । ताप्लेजुङ, किमाथांगा, लामाबगर, कोरला र हिल्सा नाका कोरिडोरको हिसावले खोल्नुपर्छ,’ पोखरेल भन्छन्, ‘यसले अन्य देशमा निर्भरता हुन्न । हिमालयन क्षेत्रको कनेक्टिभिटी पनि बढ्छ ।’ दक्षिणमा जस्तै उत्तरी छिमेकमा पनि रोटीबेटीको सम्बन्ध कायम रहेकोले यस्ता सम्बन्ध विकास, आर्थिक र समृद्धिको कुटनीतिसँग जोड्नुपर्ने उनले बताए ।
कार्यक्रमका सहभागीहरुले बीआरआई परियोजनाले नेपाललाई नयाँ विश्वमा पु¥याउने बताए । उनीहरुले एकअर्का बीचमा निकै पुरानो सम्बन्ध रहेकोले त्यसको सदुपयोग गर्न पनि सुझाए । बीआरआईअन्तर्गत सिल्क रोडले सडक सञ्जालबाट चीनलाई मध्य एसिया, मध्यपूर्व हुँदै युरोपसँग जोड्छ भने समुद्री सिल्क रोडले समुद्री मार्गबाट अफ्रिकी र मेरिटेरिनियन मुलुकसँग जोड्छ । रेल, सडक, हवाई, समुद्री पारवहन, ऊर्जाको ग्रिड, तेलको पाइपलाइप, इन्टरनेट लगायत कनेक्टिभिटी मुख्य छ भने स्वतन्त्र व्यापार तथा लगानी पनि यो परियोजनामा जोडिएको छ । कोभिडका कारण बीआरआई कार्यान्वयनमा खासै चुनौती नरहे पनि सरकारी तयारी नपुगेको सबैको निष्कर्ष छ । कार्यक्रममा राष्ट्रिय सभाका अध्यक्ष गणेशप्रसाद तिमिल्सिनाले छिमेकी मुलुकसँगको सम्बन्धलाई विकास र समृद्धिसँग जोड्नुपर्ने बताए । ‘प्राकृतिक रुपमा नेपाल धनी छ । नेपालले दुई छिमेकी मुलुकबाट लिनुपर्ने सुविधा लिन सकेको छैन,’ उनले भने, ‘मुलुक र जनताको हितमा विकासलाई केन्द्रमा राखी विदेशी सहयोग उपयोग गर्नुपर्छ ।’ उनले नेपाल सधैँ सन्तुलित परराष्ट्रनीतिको पक्षमा रहेको प्रष्ट्याए ।
गण्डकी प्रदेशका सभामुख नेत्रनाथ अधिकारीले नेपाल–चीन सम्बन्ध समृद्धिमा उपयोग गर्न नसकेको तर्क गरे । उनले विकास निर्माणमा चीनबाट लिन सक्ने सहयोग विभिन्न कारणले नआएको बताए । चीनको सहयोग नेपालका लागि महत्वपूर्ण भएपनि सदुपयोग नभएको भौतिक पूर्वाधार विकास मन्त्री रामशरण बस्नेत बताउँछन् ।
पूर्व स्वास्थ्यमन्त्री तथा सांसद खगराज अधिकारीले नेपाल र चीनबीच धार्मिक, सामाजिक एवं सांस्कृतिक सम्बन्ध रहेको भन्दै अब विज्ञान र प्रविधिमा जोडिनुपर्ने बताए ।
विपक्षी दलका नेता कृष्णचन्द्र नेपाली पोखरेलले चीन असल छिमेकी रहेकोले दुःखमा साथ लिन आग्रह गरे । ‘दक्षिणमा जंगेपिलर छन् । उत्तरमा कुनै सीमाना छैन । गुडविलका कारण एकअर्काबीच समन्वय छ,’ उनले भने, ‘चीन नेपालको असल छिमेकी हो । चीनले गरेको अभूतपूर्व विकासलाई हामीले पनि अनुशरण गर्नुपर्छ ।’ नेपाल–चीन हिमालयमैत्री समाज नेपालका महासचिव राजेन्द्र गौतमले बीआरआईको कार्यान्वयनमा सबै पक्षबाट दबाब दिनुपर्ने बताए । कार्यक्रममा समाजका संस्थापक अध्यक्ष आनन्द पोखरेल सहित डा. कल्याण रोकाहा, कालीप्रसाद पोखरेल, कल्याण शर्मा र जोङ फिछिपाङ्गले छुट्टाछुट्टै कार्यपत्र प्रस्तुत गरेका थिए ।
Related News
सम्बन्धित समाचार
कतारी अमिर स्वेदश फिर्ता : पोखरा–कतार उडान माग
पुस्तक दिवसमा पुस्तक साटासाट
स्वदेश फर्किए कतारी अमिर
अधिकारी सरकारको मुख्य न्यायाधिवक्ता चिरन्जीवी शर्मा !
पोखराको चाउथेमा गएराति स्कुटर दुर्घटनामा एक किशोरीको मृत्यु
hero news full width
मुख्य समाचार
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१