हेमजा, १४ साउन । सरकारको लकडाउन खुलाउने निर्णयसँगै छोटो दूरीका सवारीसाधन संचालनमा आउने भनिएपनि पोखरा–हेमजा–काँडे सार्वजनिक बस चलेका छैनन् । सार्वजनिक बस चल्न नसक्दा स्थानीयले सास्ती भोगेका छन्।
कतिपय स्थानीय लकडाउनमा जस्तै हिडेर गन्तव्यतर्फ जाने गरेका छन् भने कतिपय महँगो शुल्कमा ट्याक्सी रिजर्भ गरी गन्तव्यमा जानुपर्ने बाध्यता छ ।
बाटोको दूरावस्था रहेको भन्दै बस नचलेको बताइएको छ । हेमजा सुइँखेतस्थित अम्बिका माविदेखि घट्टेखोलासम्म बाटोकै कारण सवारी गुडाउने अवस्था नभएको ग १ ख ७०८७ नं. को बसका चालक दुर्गाकुमार गुरुङले बताए ।
उनले भने, ‘बाटो हिलाम्य छ । खाल्टाखुल्टीको त कुरै नगरौं । दिनदिनै गाडीको पट्टा भाँचिने सम्भावना छ । लकडाउनका कारण गाडीका पाटपुर्जा पनि बिग्रेका छन् ।’
सोही बसका सहचालक गोपाल गिरीले बाटो सहज भए आफूहरु काँडेसम्म जान तयार रहेको स्पष्ट पारे । ‘महिनामा १०÷१२ दिन काँडे जाने–आउने पालो पथ्र्यो । अहिले जान सक्ने अवस्था छैन ठाउँसम्म जान पाए पो कमाइ हुन्थ्यो,’ उनले भने ।
यता, अन्नपूर्ण गाउँपालिकावासी उक्त रुटमा गाडी चल्नुपर्नेमा जोड दिन्छन् । बिग्रेको बाटो तत्काल ठेकेदारले बनाइदिनुपर्दछ, सवारीधनीले पनि विभिन्न बहानावाजी बनाउनु हुँदैन । सर्वसाधारणलाई नागडाँडा–पोखरा आउजाउ गर्न अत्यन्तै कष्टकर भएको छ,’ अन्नपूर्ण–३, काँडेका गुरुदत्त भारती सुनाए ।
ठेकेदार शर्मा एण्ड कम्पनीका परियोजना व्यवस्थापक राजु रानाभाटले अविरल वर्षा, सडकबीच रहेका विद्युत्पोल र फाइपलाइन फुट्ने समस्याका कारण सडक निर्माणमा असहजता भइरहेको बताए । ‘वर्षायाम लक्षित गरी एक चरणमा बाटो सहज बनाएका थियौं, त्यो धेरै समयसम्म टिकेन,’ उनले भने ।
बाटो कारण देखाउँदै त्यस क्षेत्रमा साना सवारीसाधन भने पोखराबाट सराङ्कोट, कास्कीकोट, नागडाँडा हुँदै दैनिक आउजाउ गर्दै आएका छन् ।
Related News
सम्बन्धित समाचार
अमरसिंह माविको ६८ औं वार्षिकोत्सव
कास्की कारागारमा आँखा शिविर, १ सय ८८ जनाको आँखा परीक्षण
कालीगण्डकी कोरिडोरः १५ महिनापछि बेनी–मालढुंगाखण्ड निर्माणमा प्रगति
पोखरा १२ मा सहरी स्वास्थ्य केन्द्रको भवन शिलान्यास
संघका कर्मचारीसँग मुख्यमन्त्री आजित !
hero news full width
मुख्य समाचार
वर्षाले हिलाम्मे पोखरा प्रवेशमार्ग
असुरक्षित टहरामा बस्न वाध्य सुरक्षाकर्मी
चैत्र १५, २०८०गण्डकी सरकारले २०८१ मा ३ दिन बिदा दिने
चैत्र १५, २०८०किरिया बसेका दाजुभाइ परीक्षामा
चैत्र १५, २०८०सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०