लायन्स कैलाश चौतारीकोे वृक्षरोपण

Avatar एजेन्सी
श्रावण १२, २०७७
lions club news photo

लायन्स क्लब अफ पोखरा कैलाश चौतारीले पोखरा–१६ वाटुले चौरमा रहेको क्रियापुत्री भवन परिसरमा आइतबार वृक्षरोपण तथा गोडमेल गरेको छ ।

कार्यक्रमको लायन्स क्लब इन्टरनेशनल ३२५ वि १ का डिष्ट्रिक्ट ट्रि प्लान्टेशन डिपार्टमेन चिफ टिकाराम सापकोटाले उद्घाटन गर्दै क्लबहरुले वार्षिक रुपमा गर्दै आएका कार्यक्रमलाई निरन्तरता दिँदै सामाजिक कार्यमा थप अग्रसर हुनुपर्ने बताए ।

सो अवसरमा कलस्टर २७ का कलस्टर प्रमुख शम्भुराज बास्तोला, रिजन चियरपर्सन पुष्पकुमारी आचार्य, जोन चियरपर्सन तीर्थराज आचार्यले क्लबले हरेक वर्ष वृक्षरोपणलगायतका सेवा तथा दीर्घकालिन सेवाका कार्य गर्दै आएको जानकारी दिए ।

क्लबका संस्थापक अध्यक्ष यादवप्रसाद पोखरेल, निवर्तमान अध्यक्ष तुलबहादुर थापा, कार्यक्रम संयोजक क्लबका सहकोषाध्यक्ष विष्णुनारायण श्रेष्ठले क्लबले वृक्षरोपण गरे तापनि रेखदेख तथा संरक्षण स्थानीय समुदायले पनि गरिदिन आग्रह गरे ।

क्लबका अध्यक्ष एकनारायण पनेरुको अध्यक्षतामा भएको कार्यक्रममा स्वागत प्रथम उपाध्यक्ष लेखनाथ सुवेदीले र सञ्चालन सचिव प्रेम सुवेदीले गरेका थिए ।

Related News

सम्बन्धित समाचार

    hero news full width

    sanil ads

    wordlink ads