पोखरा, ९ साउन । लागुऔषध कारोबारमा संलग्न अभियोगमा पोखराबाट २ जना पक्राउ परेका छन् । ९ सय ७५ थान नाइट्रोभेट सहित विहीबार रोहितकुमार पाण्डेय समातिए । उनले पोखरा आसपासमा लागू औषध बेच्ने गरेको कास्की प्रहरीको दाबी छ । महोत्तरीका उनलाई पोखरा १२ चापापानी मार्गबाट समातिएको हो । उनी मेडिकल व्यवसायी हुन् ।

यस्तै, ब्राउनसुगर बेचबिखन आरोप लागेर भागेका अर्का कारोबारी पनि पक्राउ परेका छन् । पोखरा ८, फेवासिटी अस्पताल नजिकैबाट चितवन भरतपुर २१ घर भएका रोदित श्रेष्ठ बुधबार पक्राउ परेका हुन् । उनको साथबाट ब्राउन सुगर समेत बरामद भएको कास्की प्रहरी प्रवक्ता डीएसपी सुवास हमालले जानकारी दिए । दुवै जनालाई लागुऔषध नियन्त्रण ऐन अनुसार कारबाही अघि बढाइएको हमालले बताए ।