पोखरा । फ्रान्स फुटबलले प्रदान गर्ने विश्व फुटबलको प्रतिष्ठित व्यक्तिगत उपाधि बालोन डी’ओर यस वर्ष रद्द हुने भएको छ ।
फ्रान्स फुटबलले एक विज्ञप्ति जारी गर्दै उक्त कुराको जानकारी गराएको हो । सन् २०५६ पछि पहिलो पटक यस उपाधि रद्द गरिएको हो ।
आयोजक फ्रान्स फुटबलले उपाधि बा’लोन डीओर उपाधि विजेता घोषणा गर्न न्यायोचित रुपमा पर्याप्त आधारहरु नरहेको भन्दै यस वर्ष उक्त उपाधि रद्द गर्ने निर्णय लिएको जनाएको छ । कोरोना संक्रमणका कारण केही लिग रद्द हुँदा केही लिग छोटो समयमा धेरै खेल गरेर समापन गरिएको हुँदा उपाधि रद्द गरिएको उल्लेख गरेको छ ।
‘बिकराल परिस्थितिमा उपाधि घोषणा गर्नु उचित छैन,’ फ्रान्स फुटबलले भनेको छ, बालोन डी’ओर आयोजकले यस उपाधि उत्कृष्टता मात्र नभएर एक उदाहरण, एकता र जिम्मेवारी वहन गर्ने व्यक्तित्वको प्रतिनिधित्व गर्नेछ ।’
पछिल्लो दशक क्रिस्टियानो रोनाल्डो र लिओनेल मेस्सीले यस उपाधिमाथि वर्चस्व जमाउँदै आएको छ । यस वर्ष उपाधि विजेता घोषणा नहुने भएपछि गतवर्षको विजेतासँगै एक वर्षसम्म यो उपाधि सुरक्षित रहनेछ । गतवर्ष बार्सिलोनाका कप्तान मेस्सी उत्कृष्ट पुरुष खेलाडी घोषित भएका थिए । अमेरिकाकी मेगन रापिनो उत्कृष्ट महिला खेलाडी बनेकी थिइन् । नेदरल्यान्ड तथा युभेन्टसका म्याथिस डे लिग्ट उत्कृष्ट युवा खेलाडी र लिभरपुल तथा ब्राजिलका एलिसन बेकर उत्कृष्ट गोलरक्षक भएका थिए ।
यस वर्ष पनि विगतझैं मेस्सी र रोनाल्डो उपाधिको होडमा थिए । यी दुईबाहेक बायर्न म्युनिखका रोबर्ट लेवान्डोस्की र म्यानचेस्टर सिटीका केभिन डे ब्रुएन प्रतिस्पर्धी थिए । यो उपाधि मेस्सीले छैटौं र रोनाल्डोले पाँचौं पटक जिति सकेका छन् ।
Related News
सम्बन्धित समाचार
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
hero news full width
मुख्य समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१