प्रियंका र आयुष्मान अभिनित चलचित्र ‘चंगा चैट’ युट्युबमा (फिल्म सहित)

विनिता सुनार विनिता सुनार
श्रावण ६, २०७७

पाेखरा, ६ साउन । विश्वभर फैलिएको कोरोना भाइरस (कोभिड–१९) का कारण चैत ११ देखि देश अझै पनि लकडाउनमा छ । सरकारले विभिन्न मोडालिटी बनाएर लकडाउन खुकुलो बनाए पनि मनोरञ्जनका गतिविधिहरु भने ठप्प नै छन् ।

तर दर्शकलाई मनोरञ्जन दिने उद्देश्यले लकडाउन जारी भएसँगै प्रदर्शनमा आइसकेका फिल्महरु निर्माण पक्षले युट्युबमा धमाधम सार्वजनिक गर्दै आएका छन् ।

यसैक्रममा दीपेन्द्र के. खनाल निर्देशित फिल्म ‘चंगा चैट’ युट्युबमा सार्वजनिक भएको छ । फिल्ममा प्रियंका कार्की, आयुष्मान देशराज जोशी, रवीन्द्र झा, सन्दीप क्षेत्री, अर्पण थापा, परमिता राणा, सुरक्षा पन्त लगायत कलाकारको अभिनय छ ।

‘कमेडी जनरा’ मा निर्मित सो फिल्ममा माधव वाग्ले र शर्मिला पाण्डेले संयुक्त लगानी गरेका हुन् ।

२०७५ कात्तिक १६ मा हलमा प्रदर्शित फिल्मले मिश्रित प्रतिक्रिया पाएको थियो । प्रदीप भारद्वाजले लेखेको उक्त फिल्ममा ३ युवाको कथा देखाइएको छ ।

बुधबार ओएसआर डिजिटलको युट्युब च्यानलमार्फत सार्वजनिक गरिएको उक्त फिल्म टेन्ड्रिङको तेस्रो नम्बरमा परेको छ ।

फिल्म हालसम्म करिब २० लाख २६ हजारले हेरिसकेका छन् भने १ हजार ६ सय जनाले प्रतिक्रिया दिएका छन् ।

हाम्रो सुझाव