ब्रह्मरुपा माविमा भवन उद्घाटन

कविराज खनाल
श्रावण ५, २०७७
kabiraj

लेखनाथ न । राष्ट्रिय पुनर्निर्माण प्राधिकरणको आर्थिक एवं प्राविधिक सहयोगमा पोखरा वडा ३२, राजाको चौतारास्थित ब्रह्मरुपा माविको चारकोठे पक्की भवन उद्घटन गरिएको छ । भवनको पूर्व स्वाथ्यमन्त्री तथा संघीय सांसद खगराज अधिकारीले उद्घाटन गरेका हुन् ।

उनले विद्यालयको आधारभूत विकास र अत्यावश्यक निर्माण सामग्रीले गुणस्तरीय शिक्षा प्रदान गर्न प्रभावकारी भूमिका खेल्ने बताए । उनले शैक्षिक विकास नै समाज विकास रहेको बताउँदै हाल कोराना भाइरस महामारी बेलामा पनि विद्यालयले विद्यार्थीसँग सहकार्य गरी सामाजिक दूरी कायम गर्दै विभिन्न माध्यमबाट पठनपाठन संचालन गर्नुपर्ने बताए ।

राष्ट्रिय पुन निर्माण प्राधिकरण केन्द्रीय आयोजना कार्यान्वयन इकाइ ( शिक्षा ) जिल्ला आयोजना कार्यान्वयन इकाइ (शिक्षा) कास्कीका प्रमुख लालप्रसाद पोख्रेलले पुननिर्माण प्राधिकरण केन्द्रीय आयोजना कार्यान्वयन इकाइ मार्फत कास्कीका स्कुलमा मात्र १ सय ९० वटा भवनसँगै ६ सय ११ कोठा, १ सय १४ शौचालय र १ सय ६५ वटा खानेपानी योजना बन्दै गरेको बताए ।

उनले पोखराभित्रमात्र ३ सय २१ वटा कोठा बन्दै गरेको र विकास निर्माण कार्यको लागि यस विद्यालयको निर्माण समिति अग्रसर भएर समयमा नै भौतिक निर्माण कार्य सम्पन्न गरेको धन्यवाद दिए ।

वडाध्यक्ष अक्कलबहादुर कार्कीले भौतिक पूर्वाधार विकासले गुणस्तरीय शिक्षा प्रदान हुने भएकाले वडाबाट हुने सबै सहयोग प्रदान गर्ने प्रतिबद्धता व्यक्त गरे ।

विद्यालय प्रअ जनार्दन सुवेदीले ६९ लाख ८० हजार ७ सय रुपैयाँ लागतमा निमार्ण सम्पन्न भएको भवनमा शुद्ध पिउने पानी र शौचालय समयमा नै बनाउन सफल रहेको बताए ।

विद्यालय व्यवस्थापन समितिका अध्यक्ष चिरञ्जीवी तिवारीले अध्यक्षतामा भएको सो कार्यक्रममा शिक्षक अभिभावक संघ अध्यक्ष विश्वराज पौडेलले धन्यवाद ज्ञापन गरे ।

सो कार्यक्रममा शिक्षक महेश्वर पण्डितले कार्यक्रम संचालन गरेका थिए ।

प्राविधिक धारअन्तर्गत कम्प्युटर इञ्जिनियरिङ्गमा शैक्षिक सत्र २०७० सालदेखि नै कक्षा ९ देखि १२ सम्म कम्प्युटर इञ्जिनियर अध्ययन अध्यापन गर्दै आएको सो विद्यालयमा ८ सय ५० जना विद्यार्थी पढ्छन् ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width