खैरेनीटार, ३ साउन । लायन्स क्लब अफ तनहुँ खैरेनीटारको दोस्रो चार्टर नाईट कार्यक्रम शुक्लागण्डकी नगरपालिका वडा नं ६, खैरेनीटार, तनहुँमा सम्पन्न भएको छ ।

कार्यक्रमका प्रमुख अतिथि लायन्स क्लब इन्टरनेसनल ३२५ बि १ का प्रथम भाईस डिस्ट्रिक्ट गभर्नर विशेश्वर आचार्यले मैत्रीपूर्ण व्यवहार नभई समाजमा कुनै पनि काम गर्न नसकिने बताए । उनले समाज रुपान्तरण गर्न लायन्स सदस्यहरुलाई समाजका आवश्यक कार्यहरुलाई अगाडि बढाउन अनुरोध गरे ।

कार्यक्रममा शुक्लागण्डकी नगरपालिका वडा नं. ६ का वडा अध्यक्ष कृष्णबहादुर पौडेल, वडा नं. ७ का अध्यक्ष रामबहादुर क्षेत्री थापा, लायन्स डिस्ट्रिक्ट को–चिफ एडभाईजर बिनोद ढुंगाना, सिनियर एओजी कृष्णप्रसाद पौडल, बालकृष्ण बराल, मोतिप्रसाद पौडेल, सूर्य नारायण बराल, भक्तबहादुर केशी, डिस्ट्रिक्ट एडभाईजर सन्तोष घिमिरे, जोन चियर पर्सनहरु जीतबहादुर थापा र प्रदीप थापा, चार्टर प्रेसिडेन्ट समुन्द्रराम श्रेष्ठ, निवर्तमान अध्यक्ष सुजित हिराचन, टंकप्रसाद ढकाल, शंकर पाण्डे, सुजन कुमार श्रेष्ठ, मिनबहादुर लामिछाने, भीमलाल श्रेष्ठ, सञ्जय घिमिरे, कुशल लम्साल लगायतले वोलेका थिए । कार्यक्रममा झण्डाको बन्दना निवर्तमान सचिव प्रमोद लामिछानेले गरेका थिए ।लायन्स क्लब अफ तनहुँ खैरेनीटारका अध्यक्ष राजबहादुर थापाकोे अध्यक्षता रहेको कार्यक्रममा स्वागत प्रथम पीताम्बर तिम्सिनाले गरेका थिए भने सञ्चालन सचिव श्रीराम सुवेदीले गरेका थिए ।