पोखरा ३ साउन । मुस्ताङको लोमन्थाङमा रहेको पाल ऐहाम नामग्याल गुम्बा स्कुलले कोभिड–१९ र प्राकृतिक विपत्तिमा परेकाहरुलाई राहत प्रदान गरेको छ ।
लोमन्थाङ ३ मा स्थायीरुपमा सञ्चालनमा रही हिउँद याममा पोखरा १८, खपौदीमा सञ्चालन हुदै आएको गुम्बा स्कुलले कोरोना भाइरसको जोखिम न्यूनीकरणका लागी प्रदेश सरकार र पोखरा महानगरले स्थापना गरेको कोरोना विपद् कोषमा नगद संकलन तथा प्राकृतिक विपद् पहिरोमा परी घरपरिवार गुमाएकाहरुलाई राहतस्वरुप खाद्यान्न वितरण गरेको हो ।
गुम्बा स्कुलले गण्डकी प्रदेश सरकारले स्थापना गरेको कोरोना रोकथाम तथा नियन्त्रण कोषमा ७० हजार र पोखरा महानगरले स्थापना गरेको कोषमा ५० हजार रुपैयाँ प्रदान गरेको हो ।
त्यसैगरी गुम्बा स्कुलले पहिरोमा घरपरिवार गुमाएका परिवारलाई खाद्यान्न सामाग्री प्रदान गरेको छ ।
मुस्ताङबाट गण्डकी प्रदेशमा प्रतिनिधित्व गर्ने सांसद ईन्द्रधारा विष्टको सक्रियतामा पोखरा ३२, लामे आहालमा रहेको राधाकृष्ण वृद्धाश्रममा र पोखरा २६को पैतेडाँडा पहिरोपीडितलाई समेत खाद्यान्न सामाग्री प्रदान गरियो ।
सांसद विष्टको सक्रियतामा यसअघि पनि मुस्ताङको साग वितरण संगै अहिले आएर वृद्धाश्रममा खाद्यान्न वितरण गरेर सहयोेग गरेकोमा सबैले आभार व्यक्त गरे ।
पैतेडाँडा पहिरोपीडितका करिब ५० घरपरिवारलाई लक्षित गरी खाद्यान्न सामग्री हस्तान्तरण गरी ठूलो गुण लगाएको पोखरा २६ का अध्यक्ष नारायण बरालले बताए ।
नेपाल रेडक्रस, पोखरा वडा २६ ले केही सहयोग गरेको र पहिरोमा परि एकजना गुमाएको भए तापनि करिब ५० घर परिवार विस्थापित भएको र स्थानीय अमरज्योति आधारभूत विद्यालयमा आश्रय लिइरहेको अवस्थामा गुम्बा स्कुलले खाद्यान्न सहयोग गरेर ठूलो गुण लगाएको अध्यक्ष बरालको भनाइ थियो ।
सो अवसरमा सांसद बिष्टले गुम्बा स्कुललाई धन्यवाद ब्यक्त गर्दै पहिरोपीडितलाई आवश्यक सहयोगका लागि प्रदेश सभासमक्ष कुरा राख्ने प्रतिबद्धता ब्यक्त गरे । उनले दुःखको घडीमा सहनशील भएर अगाडि बढ्न भन्दै पीडितलाई सान्त्वना दिए । आग्रह गरे ।
पाल ऐहाम नामग्याल गुम्बा स्कुलका प्रध्याना ध्यापक ग्याचो गुरुङ र सोनाम लामाले आफुहरुको स्कुलले कोरोनालाई मध्यनजर गरी स्थापना गरिएको कोषमा १ लाख २० हजार नगद र प्राकृतिक प्रकोप पहिरोमा परि घरबार गुमाएका ५ सय परिवारलाई खाद्यान्न सामाग्री वितरण गर्ने लक्ष्य रहेको बताए ।
Related News
सम्बन्धित समाचार
अधिकारी सरकारको मुख्य न्यायाधिवक्ता चिरन्जीवी शर्मा !
कामचलाउ सरकारको आयु लम्बियो
गण्डकी सरकार विरुद्धको रिट सपना र सारंगाको बेन्चमा
अधिकारी सरकारको भविष्य के होला ? सर्वाेच्चमा सुनुवाइ आज
चुमानलाई पहिलोपटक ढुकुटीको साँचो, मनाङे फेरि भौतिकमा
hero news full width
मुख्य समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१