पोखरा । गण्डकी प्रदेश सरकारले यसै वर्षदेखि आफ्नै विश्वविद्यालय सञ्चालन गर्दैछ । गण्डकी विश्वविद्यालय स्थापना गरेर पढाइ शुरु गर्ने सरकारको तयारी छ । त्यसैका लागि जग्गा खोजी गरिरहेको थियो । लामो प्रयासपछि बल्ल विश्वविद्यालय बनाउनका लागि जग्गाको भोगचलन अधिकार पाएको छ । आफ्नै नाममा जग्गाको स्वामित्व मागेपनि संघले स्वामित्व आफैसँग राखेर भोगचलनको अधिकार मात्र दिएको हो । पोखरा ३२, स्यालतहरामा रहेको ३ सय ५२ रोपनी र तनहूँको शुक्लागण्डकी ५ मा रहेको १ सय ७५ रोपनी जमिन प्रदेशलाई भोगचलनका लागि दिने निर्णय गरेको हो ।
जग्गा उपयोग गरेपनि परापूर्वकालदेखि चलन चल्तिमा रहेका मठ मन्दिर लगायत सार्वजनिक सम्पत्ति यताउति गर्न नपाउने बाध्यता छ । ‘परापूर्वकालदेखि चल्तिमा रहेका मठ, मन्दिर, बाटो, कुलो जस्ता स्थल पर्ने भएमा सोको सार्वजनिक उपयोगमा असर नपुर्याउने गरी गण्डकी विश्वविद्यालयको भौतिक पूर्वाधार निर्माण तथा शैक्षिक क्रियाकलाप सञ्चालनका लागि जग्गाको स्वामित्व नेपाल सरकारमै रहने गरी गण्डकी प्रदेशलाई जग्गा उपलब्ध गराइएको छ,’ मन्त्रिपरिषद् निर्णयमा भनिएको छ ।
सरकारले शुक्लागण्डकीमा मेडिकल कलेज चलाउने तयारी गरेको छ भने स्यालतहरामा विश्वविद्यालयअन्तर्गतकै आईटी (प्रविधि) विषयको पढाइ गर्न लागिएको हो । अवस्था सामान्य भए यही मंसिर पहिलो सातादेखि पढाइ शुरु हुने कुलपति डा. गणेशमान गुरुङले बताए । ‘पाठ्यक्रम तयारीको काम चलिरहेको छ । असोजसम्म प्राध्यापक र अन्य आवश्यक नियुक्ति हुन्छ,’ उनले भने, ‘यो बीचमा स्यालतहरामा भौतिक संरचना निर्माण पनि हुन्छ । मंसिरदेखि धमाधम पढाइ थाल्छौं ।’ उनका अनुसार तत्कालका लागि प्रिफिवको संरचना बनाइने छ ।
सरकारले विश्वविद्यालय चलाउनकै लागि २४ करोड ३२ लाख बजेट छुट्याएको छ । सबैभन्दा धेरै विश्वविद्यालय र शिक्षण अस्पतालको भवन बनाउन १२ करोड विनियोजन भएको छ । चिकित्सा शिक्षा अध्ययनका लागि आवश्यक ल्याब सेट तयार गर्न ४ करोड विनियोजन भएको छ भने आइसिटी ल्याब सेटअप शीर्षकमा २ करोड छ । चिकित्सा विज्ञान विषयको पठनपाठनको लागि १ करोड, सूचना प्रविधिको अध्यापन शुरुवात ७५ लाख, जग्गा र भौतिक संरचनाको घेराबार गर्न १ करोड २० लाख, अनुसन्धान कार्यको लागि १ करोड, पाठ्यक्रम निर्माण १ करोड, शिक्षण अस्पताल पाठ्यक्रम तयारी ५० लाख, नियमावली तथा निर्देशिका १५ लाख छुट्याइएको छ । संरचनाको डीपीआर बनाउन पनि ६० लाख विनियोजन गरेको छ । गोष्ठी र सेमिनारका लागि १२ लाख बजेट छ ।
Related News
सम्बन्धित समाचार
कामचलाउ मुख्यमन्त्री अधिकारी विश्वासको मत लिने तयारीमा
बजेटमाथि बहुवर्षे योजनाको चाप : दायित्व पौने १६ अर्ब
गण्डकीको वर्ष ८० : प्रदेश तहमाथि प्रश्न थपिएको वर्ष
खगराज अधिकारी : पहिला १२ बाट ७ मा झारे, अहिले उनैले सत्तामा टिक्न मन्त्रालय फुटाए
जिल्ला अध्यक्षमा हारेका अधिकारी मुख्य न्यायाधिवक्ता
hero news full width
मुख्य समाचार
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१