आफ्नै काकालाई हत्या गर्ने नवराज सार्वजनिक

आदर्श समाज सम्वाददाता
असार २८, २०७७
Navaraj Sapkota

पोखरा, २८ असार । कास्कीको मादी गाउँपालिकामा ८० वर्षीय वृद्धको खुकुरी प्रहारगरी हत्या भएको छ । मादी–४ घामनुङका ८० वर्षीय पीताम्बर सापकोटामाथि उनकै भतिज पर्ने ५५ वर्षीय नवराज सापकोटाले खुकुरी प्रहार गरी हत्या गरेका हुन् । खुकुरी प्रहारबाट पीताम्वरका छिमेकी ७७ वर्षीय केशवराज सापकोटा घाइते भएका छन् ।

बारीको घाँसको बिषयमा सामान्य भनाभन हुँदा शनिबार साँझ ६.३० बजे घरमा खाना खाइरहेका पीताम्बर सापकोटामाथि नवराजले खुकुरी प्रहार गरी हत्या गरेको जिल्ला प्रहरी कार्यालय कास्कीले जानकारी दिएको छ । हत्या आरोपी नवराज सापकोटालाई आइतबार कास्की प्रहरीले सार्वजनिक गरेको छ ।

पीताम्बरको घटनास्थलमै मृत्यु भएको मादीगाउँपालिका–४ का अध्यक्ष सत्यराज सापकोटाले जानकारी दिए । घाइते केशवराज सापकोटाको मणिपाल शिक्षण अस्पताल पोखरामा उपचार भइरहेको वडाध्यक्ष सापकोटाले बताए । उनको टाउकोमा चारवटा टाका लगाइएको छ । खुकुरी प्रहारपछि घरपरिवारले हार गुहार गर्दा घटनास्थल पुगेका केशवराजमाथि पनि नवराजले खुकुरी प्रहार गरी घाइते बनाएका हुन् ।

घटना घटाउने नवराज राति नै घरबाट भगेर पोखरातर्फ आएका थिए । उनलाई प्रहरीले आइतबार बिहान ५.३० बजे पोखरा महानगरपालिका वडा नं १३ को कसेरी बजारबाट पक्राउ गरेको थियो । नबराज बिरुद्ध जिल्ला अदालत कास्कीबाट कर्तव्य ज्यान मुद्दामा म्यादथप गरी अनुसन्धान कार्य अगाडि वढाइएको जिल्ला प्रहरी कार्यालय कास्कीका प्रवक्ता एवं प्रहरी नायव उपरीक्षक सुवास हमालले जानकारी दिए ।
पीताम्बर सापकोटाको शव आइतबार दिउसो पश्चिमाञ्चल क्षेत्रीय अस्पताल पोखरामा शल्यपरीक्षण गरी आफन्तलाई बुझाइएको जानकारी प्रहरीले दिएको छ ।

Related News

सम्बन्धित समाचार

    • प्रदेश नीति तथा योजना आयोगमा तनहुुँका काफ्ले

      आदर्श समाज सम्वाददाता असार ६, २०७८
      पोखरा । गण्डकी प्रदेशको नीति तथा योजना आयोगमा तनहुँका डा. रघुराज काफ्ले नियुक्त भएका छन् । मुख्यमन्त्री कृष्णचन्द्र नेपाली पोखरेलले…
    • संक्रमित घटेसँगै परीक्षणमा कमी

      धनबहादुर गुरुङ असार ६, २०७८
      पोखरा । प्रदेश जनस्वास्थ्य प्रयोगशाला पोखराकी निमित्त निर्देशक सपना सुवेदीलाई २ साता अघिसम्म स्वाब परीक्षण गर्न भ्याइनभ्याइ थियो । तारन्तार…
    • सत्ता सहमतिमा मन्त्री नै वाधक !

      आदर्श समाज सम्वाददाता असार ६, २०७८
      पोखरा । नेपाली कांग्रेसका कृष्णचन्द्र नेपाली पोखरेलको नेतृत्वमा जेठ २९ मा बनेको सरकारले नीति तथा कार्यक्रम र बजेट ल्याइसकेको छ…
    • निगालोको चोया, जिउने सहारा

      धनबहादुर गुरुङ असार ६, २०७८
      पोखरा । छेवैमा ह्वील चियर विश्राम दिएर चेतबहादुर गुरुङ स्याँखु बुन्दैछन् । गत सातादेखि सुरु गरेको काम सक्नै आँटेका छन्…
    • संविधान जोगाउने दायित्व कांग्रेसमाथि : मुख्यमन्त्री पोखरेल

      आदर्श समाज सम्वाददाता असार ५, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले संविधानमाथि अहिले खतरा उत्पन्न भएको भन्दै यसको रक्षाको दायित्व नेपाली कांग्रेसमा आएको…

    hero news full width

    sanil ads

    wordlink ads

    trending post

    ट्रेन्डिङ्ग